«Մրցունակ մասնավոր սեկտոր Հայաստանում» (CAPS) ծրագիրը, որը ֆինանսավորվում է ԱՄՆ Միջազգային զարգացման գործակալության (USAID) կողմից, կաջակցի IT ոլորտի հայկական նորաստեղծ ընկերություններին DigiTec ցուցահանդեսին մասնակցելու հարցում: Այդ մասին PanARMENIAN.Net-ին հաղորդել են CAPS մամլո ծառայությունից:

Մասնավորապես, ծրագիրն IT ոլորտի նորաստեղծ ընկերություններին աջակցելու է ցուցահանդեսի համար տաղավարի տրամադրման, ինչպես նաեւ նորաստեղծ ընկերության բրոշյուրի հրապարակման հարցերում:

Հայաստանի վարչապետի հովանավորությամբ անցկացվող DigiTec ցուցահանդեսը տեղի կունենա Երեւանում հոկտեմբերի 2-4 Կ.Դեմիրճյանի անվ. Մարզահամերգային համալիրում: Ցուցահանդեսի կազմակերպիչներն են` Տեղեկատվական տեխնոլոգիաների ձեռնարկությունների միությունը (UITE), «Ձեռնարկությունների ինկուբատոր» հիմնադրամը (EIF), իսկ գլխավոր հովանավորը Ucom հեռուստահաղորդակցման ընկերությունն է: