  Վարդան Օսկանյանը չի նախանձում նրան, ով ստորագրելու է հայ-թուրքական Արձանագրությունները 22 սեպտեմբերի 2009 - 20:07 AMT PanARMENIAN.Net - Այսօր Հայաստանը կանգնած է մի փաստաթղթի ստորագրման առջեւ, որը կորոշի նրա տեղն աշխարհում: Հայ-թուրքական հարաբերությունների կարգավորման մասին հրապարակված Արձանագրությունները չի կարելի ստորագրել: Այդ մասին այսօր Երեւանում հայ-թուրքական հարաբերությունների վերաբերյալ կայացած քննարկմանը հայտնել է Հայաստանի նախկին արտգործնախարար Վարդան Օսկանյանը: «Ես երբեք նման ռիսկի չէի դիմի եւ Հայաստանի հասարակայնությանը չէի ներկայացնի մի փաստաթուղթ, որն անընդունելի է ժողովրդի համար: Ես չեմ նախանձում նրան, ով ստորագրելու է հայ-թուրքական Արձանագրությունները»,- հայտնել է ՀՀ ԱԳՆ նախկին ղեկավարը: Վարդան Օսկանյանը նշել է, որ ինքն անձամբ սահմանի բացման մեծ ցանկություն ունի, սակայն «խիղճը նրան թույլ չէր տա» նման փաստաթուղթ ստորագրել: «10 տարվա ընթացքում ես` որպես Հայաստանի արտաքին քաղաքական գերատեսչության ղեկավար, Ղարաբաղի վերաբերյալ ոչ մի փաստաթուղթ չեմ ներկայացրել մեր ժողովրդին: Ես ինձ մեղավոր կզգայի, եթե ներկայացնեի որեւէ փաստաթուղթ, որն անընդունելի է ժողովրդի համար»,- հայտնել է Հայաստանի ԱԳ նախկին նախարարը:Վարդան Օսկանյանի խոսքով, եթե այդ Արձանագրությունները, ի վերջո, վավերացվեն եւ ստորագրվեն Հայաստանի կողմից, ապա ապագայում երկրի հաջորդ ղեկավարության համար դժվար կլինի դրանցից հրաժարվելը: «Այժմ մենք պետք է շատ լուրջ մտածենք, թե ինչ ենք անելու: Հայաստանը` որպես ինքնանկախ պետություն, ամենալուրջ փաստաթղթի ստորագրման շեմին է»,- հայտնել է Հայաստանի ԱԳՆ նախկին ղեկավարը:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Սյուժե Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըՇոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |
