Ռալֆ Յիրիկյան. Նորարարությունը հեռահաղորդակցության ոլորտում ոչ միայն պարզապես ցանկալի, այլեւ` անհրաժեշտ նախապայման է24 սեպտեմբերի 2009 - 15:35 AMT PanARMENIAN.Net - ՎիվաՍել-ՄՏՍ-ի Գլխավոր տնօրեն Ռալֆ Յիրիկյանը նախօրեին ելույթ ունեցավ Եվրոպական կրթական տարածաշրջանային ակադեմիայի տեղեկատվական եւ հաղորդակցական տեխնոլոգիաների ինստիտուտում «ՎիվաՍել-ՄՏՍ` բիզնես, որն ունի առաքելություն» դասախոսությամբ:Դասախոսությունից առաջ ռեկտոր Անդրանիկ Ավետիսյանը Ռալֆ Յիրիկյանին շնորհեց ակադեմիայի պատվո մեդալը: ՎիվաՍել-ՄՏՍ-ի Գլխավոր տնօրենը համալսարանի ուսանողների, պրոֆեսորա-դասախոսական անձնակազմի եւ շրջանավարտների հետ հանդիպման ընթացքում անդրադարձավ ընկերության բիզնեսի զարգացման ռազմավարության, բջջային ցանցի տեխնիկական զարգացման եւ ընկերության կորպորատիվ սոցիալական պատասխանատվության օրակարգին առնչվող հարցերին: Դասախոսության հիմնական թեման վերաբերում էր հեռահաղորդակցական տեխնոլոգիաների ոլորտում նորարարությանը, ինչպես նաեւ գործարարության մեջ նորարարական մոդելների կիրառմանը: Ռալֆ Յիրիկյանը պատմեց ծառայությունների զարգացման եւ բաժանորդների սպասարկման ոլորտում ընկերության վերջին նվաճումների եւ նորարարությունների մասին եւ ներկայացրեց ընկերության բիզնես մոդելի հիմնական սկզբունքները: «Ողջ տնտեսական համակարգն այսօր կախված է հեռահաղորդակցության դինամիկ եւ մրցունակ համակարգի առկայությունից: Ահա թե ինչու է նորարարությունն այս ոլորտում ոչ միայն պարզապես ցանկալի, այլեւ` անհրաժեշտ նախապայման: Նորարարական մոտեցումները պետք է կիրառվեն ոչ միայն տեխնոլոգիաների, այլեւ` բիզնեսի կառավարման ոլորտում: Լինելով կորպորատիվ պատասխանատու քաղաքացի եւ թափանցիկ գործելաոճով ընկերություն, ՎիվաՍել-ՄՏՍ-ը համոզված է, որ մեկուսացման մեջ հնարավոր չէ հասնել նորարարության եւ զարգացման: Այդ պատճառով է, որ ընկերությունը ողջունում է բիզնեսի կառավարման նոր մոդելների գաղափարներ, եւ առաջին հերթին` նրանք, որոնք ծնվում են մեր երկրի բարձրագույն կրթական հաստատություններում: Մեր ընկերությունը մշտապես իր կադրերը համալրում է Հայաստանի առաջատար համալսարաններում նոր գաղափարների առջեւ բաց ուսանողներով եւ շրջանավարտներով»,-նշում է ՎիվաՍել-ՄՏՍ-ի Գլխավոր տնօրեն Ռալֆ Յիրիկյանը: Դասախոսությունից հետո, ՎիվաՍել-ՄՏՍ-ի գլխավոր տնօրենը ներկայացրեց ընկերության` շուկայի հետագա ռազմավարությունը եւ կազմակերպության զարգացման դինամիկան եւ պատասխանեց լսարանի հարցերին: ՎիվաՍել-ՄՏՍ-ի գլխավոր տնօրենը մեկ անգամ եւս հավաստեց, թե որքան շատ է կազմակերպությունը կարեւորում դինամիկ եւ պրոֆեսիոնալ աշխատակիցների գործոնը` ընկերության գործունեության զարգացման եւ շուկայի առաջատարության հարցերում: ՎիվաՍել-ՄՏՍ-ը Հայաստանի խոշոր գործատուներից մեկն է: Ընկերությունը նոր հորիզոններ է առաջարկում երիտասարդ հայ մասնագետներին` ապահովելով կայուն աշխատատեղ եւ խոստումնալից աշխատանքային առաջընթացի հեռանկար, ասվում է ընկերության մամլո հաղորդագրության մեջ: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |