Հայ շախմատիստները հաղթանակ են տարել Ադրբեջանի հավաքականի նկատմամբ 1 հոկտեմբերի 2009 - 20:41 AMT PanARMENIAN.Net - Հայաստանի շախմատի պատանեկան հավաքականը (մինչեւ 16 տարեկան) սեպտեմբերի 24-հոկտեմբերի 3 թուրքական Ահիսար քաղաքում ընթացող Շախմատի համաշխարհային պատանեկան օլիմպիադայի 8-րդ տուրում հերթական հաղթանակն է տարել` այս անգամ 1,5-2,5 հաշվով Ադրբեջանի հավաքականի նկատմամբ:Հայկական հավաքականին հաղթանակ բերեց Հայկ Վարդանյանը, որը առավելության հասավ Զաուր Մամմադովի հանդեպ: Բոլոր մնացած պարտիաները ոչ ոքի ավարտվեցին: Սա Հայաստանի հավաքականի հինգերորդ հաղթանակն է Օլիմպիադայում եւ երրորդն անընդմեջ. 6-րդ տուրում հայկական ընտրանին 3:1 հաշվով ջախջախեց Անգլիայի հավաքականին, իսկ 7-րդ տուրում 3,5-05, հաշվով պարտության մատնեց Վրաստանի հավաքականին: Հիշեցնենք, որ հայկական ընտրանին առաջին երեք տուրերում հանդիպումներ ունեցավ թուրքական թիմերի հետ, որոնցից մեկի հետ ոչ ոքի խաղաց, մյուս երկու թիմերի նկատմամբ հաղթանակ տարավ, իսկ 4-րդ ու 5-րդ տուրերում նվազագույն հաշվով զիջեց համապատասխանաբար Ռուսաստանի եւ Հունգարիայի հավաքականներին: Հայաստանի հավաքականը 8 տուրերից հետո 20,5 միավոր է հավաքել եւ այժմ երրորդ տեղն է զբաղեցնում մրցաշարային սանդղակում: Առաջատարի դիրքում 22,5 միավորով Ռուսաստանի եւ Հնդկաստանի հավաքականներն են: Օլիմպիադային մասնակցում են 22 թիմեր, որոնց թվում` 6 թիմ Թուրքիայից: Հայ շախմատիստները 9-րդ տուրում ուժերը կչափեն առաջնության առաջատարներից մեկի` Իտալիայի հավաքականի հետ: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |