Հայկական Սփյուռքի, Հայաստանի եւ Թուրքիայի արձագանքը դժվար թե արգելք կդառնա հայ-թուրքական հարաբերությունների կարգավորման մասին Արձանագրությունների ստորագրման համար: Այդ մասին PanARMENIAN.Net-ի թղթակցին է հաղորդել Միջազգային հարաբերությունների եւ ռազմավարական հետազոտությունների գծով կենտրոնի ղեկավար Սինան Օգանը: «Հայաստանի նախագահը կարող է Թուրքիա այցելել Արձանագրությունների ստորագրումից հետո, որը տեղի կունենա հոկտեմբերի 10-11-ին: Բայց ես չեմ կարծում, որ Արձանագրությունների վավերացումը շուտով տեղի կունենա: Հնարավոր է` Հայաստանի խորհրդարանը դրանք վավերացնի, բայց թուրքական խորհրդարանն առաջընթացի է սպասելու Լեռնային Ղարաբաղի հակամարտության կարգավորման գործում»,- նշել է թուրք փորձագետը: