Երեւանում ցուցարարները ցույց են անցկացրել նախագահական նստավայրի մոտ` պահանջելով հրաժարվել նախապայմաններից (Ֆոտոռեպորտաժ) 9 հոկտեմբերի 2009 - 19:41 AMT PanARMENIAN.Net - Ավելի քան 20 հազար ցուցարարներ ցույց են անցկացրել ՀՀ նախագահի նստավայրի մոտ` վանկարկելով «Նախագա'հ, մի' զիջիր», «Ոչ մի զիջումներ Թուրքիային», «Ո'չ նախապայմաններին»: Ինչպես հաղորդում է PanARMENIAN.Net ի թղթակիցը, հավաքվածների առջեւ ելույթ է ունեցել ՀՅ Դաշնակցության Բյուրոյի անդամ Վահան Հովհաննիսյանը, որը կրկին Հայաստանի նախագահին կոչ է արել ձեռնպահ մնալ Արձանագրությունների վավերացումից, որոնք ազգային անվտանգությանն ուղղված սպառնալիք են պարունակում: Նա հայտարարել է, որ եթե վավերացումը, այնուամենայնիվ, տեղի ունենա, ապա ՀՅ Դաշնակցությունը կշարունակի բողոքի ցույցերը, եւ անհրաժեշտության դեպքում կսկսի իշխանափոխության գործընթացի նախաձեռնությունը: Հավաքվածների առջեւ ելույթ ունեցավ նաեւ ՀՅ Դաշնակցության Բարձրագույն մարմնի ներկայացուցիչ Արմեն Ռուստամյանը, որը կարդաց հայտարարության տեքստը, որն այնուհետեւ փոխանցվեց ՀՀ նախագահի աշխատակազմի ղեկավար Կարեն Կարապետյանին: Հայտարարության մեջ նշվում է, որ երկրի արտաքին քաղաքականությունը շեղվել է իր նախկին ուղղությունից եւ իր մեջ Հայաստանի ազգային անվտանգությանն ու ապագային ուղղված սպառնալիք է կրում: ՀՀ նախագահի աշխատակազմի ղեկավար Կարեն Կարապետյանը, ընդունելով հայտարարությունը, ընդգծել է, որ ցուցարարների պահանջը «նույնպես տեսակետ է, որը հաշվի է առնվելու»: Կարապետյանը հաղորդել է, որ հայտարարությունը կփոխանցվի նախագահին: Ներկա պահին ցուցարարները շարունակում են երթը դեպի Հայոց ցեղասպանության զոհերի հուշահամալիր` Ծիծեռնակաբերդ, եւ երթի մասնակիցների թիվը շարունակում է աճել: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |