ՄԱԿ-ում խոչընդոտեցին Ադրբեջանի հակահայկական քարոզչության փորձը20 հոկտեմբերի 2009 - 15:37 AMT PanARMENIAN.Net - Օրերս ՄԱԿ-իԳլխավոր ասամբլեայի Երրորդ կոմիտեում շարունակվում էին քննարկումներն օրակարգի «Երեխաների իրավունքները» կետի շուրջ: Հոկտեմբերի 16-ին կոմիտեում ելույթներ են փոխանակել Հայաստանն ու Ադրբեջանը: Վերջինիս ներկայացուցիչը, շեղվելով բուն նյութից, որոշեց իր ելույթի մի մասը նվիրել «Հայաստանի կողմից գրաված տարածքների», «փախստականների, անօթեւան բնակչության, երեխա զինվորների», Խոջալուի վայրագություններիե նկարագրությանը` օգտագործելով ադրբեջանական կողմի հայտնի զրպարտանքների հայտնի համալիրը:Ադրբեջանի ներկայացուցչի երկարաշունչ եւ անառարկայական ելույթն ընդհատվեց նիստը վարող նախագահողի կողմից. վերջինս մատնանշեց, որ ադրբեջանական կողմը չարաշահում է իրեն հատկացված ժամանակը եւ խնդրեց ավարտել ելույթը: Հանկարծակիի գալով` Ադրբեջանի ներկայացուցիչը փորձեց շարունակել խոսքը, սակայն սրան հետեւեց բարձրախոսն անջատելու նախագահողի կտրուկ կարգադրությունը: Օգտագործելովպատասխանի իր իրավունքը` նիստին ելույթ ունեցավ Հայաստանիպատվիրակության ներկայացուցիչը, ով նշեց, որ եւս մեկ անգամ հանրությունը ականատես դարձավ, թե ինչպես է Ադրբեջանն` անկախ օրակարգի թեմայից եւ պատեհությունից, փորձում հակահայկական քարոզչություն ծավալել: Հայաստանի ներկայացուցիչն անդրադարձավ հայազգի բնակչության դեմ Ադրբեջանի պետության կողմից իրականացված պետական ահաբեկչությանն ու վայրագություններին, ինչի արդյունքում տասնյակ հազարավոր կանայք եւ երեխաներ դարձան փախստականներ, հազարավոր երեխաներ` որբ եւ հաշմանդամ: Հիշեցնենք , որ ՄԱԿ-ի Գլխավոր ասամբլեայի Երրորդ կոմիտեի իրավասության տակ են հումանիտար խնդիրները, այդ թվում` մարդու իրավունքներ, ինքնորոշման իրավունք, սոցիալ-տնտեսական հիմնահարցեր, ռասիզմի, խտրականության, թմրանյութերի եւ մարդկանց ապօրինի տեղափոխման դեմ պայքարին առնչվող քննարկումները: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |