  Հայաստանի Ժողովրդական արտիստ Սոս Սարգսյանն 80 տարեկան է24 հոկտեմբերի 2009 - 19:23 AMT PanARMENIAN.Net - Հայաստանի նախագահ Սերժ Սարգսյանն այսօր շնորհավորական ուղերձ է հղել ԽՍՀՄ Ժողովրդական արտիստ, Հայաստանի Ժողովրդական արտիստ, հայտնի հայ դերասան Սոս Սարգսյանին` ծննդյան 80-ամյակի կապակցությամբ: «Հարգելի պարոն Սարգսյան, սրտանց շնորհավորում եմ Ձեզ ծննդյան 80-րդ տարեդարձի կապակ֊ցությամբ: Ձեր ստեղծագործական հարուստ ուղու մասին, համոզված եմ, դեռ ուսումնասիրություններ են գրվելու` իմաստավորելու եւ գնահատելու այն մեծ դերը, որ Դուք ունեցել եք հայ թատրոնի եւ կինոյի պատմության մեջ»,- ասվում է նախագահի շնորհավորական ուղերձում:Ուղերձում նաեւ ասվում է. «Ձեր ստեղծած կերպարներով Հայաստանում եւ Սփյուռքում մի քանի սերունդ է ոգեշնչվել, տոգորվել հայրենասիրության, բարու եւ գեղեցիկի իդեալներով: Գործի նվիրյալի Ձեր ստեղծագործական թռիչքները, հայ մարդու Ձեր քաղաքացիական վարքը օրինակելի են եւ կյանքի դաս են նոր սերնդի մտավորականների համար: Հայ թատրոնի եւ կինոյի վաստակաշատ ու պատկառելի նահապետին մաղթում եմ քաջառողջություն, երկար կյանք եւ իր տաղանդի երկրպա֊գուներին ճշմարիտ արվեստի վայելքը պարգեւելու նորանոր առիթներ»: Սոս Սարգսյանը ծնվել է 1929թ. հոկտեմբերի 24-ին Հայաստանում: 1954թ. ավարտել է Երեւանի գեղարվեստա-թատերական ինստիտուտը: 1954-1990թթ. եղել է Գ.Սունդուկյանի անվան թատրոնի դերասանը: Եղել է ԽՍՀՄ պատգամավոր, Հայաստանի նախագահի թեկնածու:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Բաժիններ թեմայով Վերջին լուրեր «Ուրալի» վթարի գործով կալանավորվել է զորամասի 2 պաշտոնյա. Մեղադրվում է նաև վարորդը  Պարզվել է, որ ավտոմեքենայի ուժակուտակիչ մարտկոցները եղել են ոչ պիտանիՄԻՊ. Անձանց բերման ենթարկելիս որոշ դեպքերում կիրառված ֆիզիկական ուժն առերևույթ անհամաչափ էր Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառներըԿոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել |
