«Գազպրոմբանկը» 40 մլն դոլարի վարկային գիծ է բացել «ՀայՌուսգազարդի» համար

26 հոկտեմբերի 2009 - 18:29 AMT

PanARMENIAN.Net - Հոկտեմբերի 26-ին ռուսական «Գազպրոմբանկ» ԲԲԸ եւ «ՀայՌուսգազարդ» ՓԲԸ-ի միջեւ ստորագրվեց երկարաժամկետ վարկային Համաձայնագիրը՝ 40 մլն դոլարի չափով վարկային գիծ բացելու մասին: Վարկային գիծը կսպասարկի «Առեքսիմբանկ» ՓԲԸ-Գազպրոմբանկ խումբը ե «Գազպրոմբանկ»-ի դուստր ձեռնարկությունը:

Համաձայնագրի ստորագրումը հանրապետության վառելիքաէներգետիկական համալիրի ձեռնարկությունների արդյունավետ համագործակցության զարգազմանն ուղղված «Գազպրոմբանկ»-ի ռազմավարական խնդրի իրագործման հերթական քայլն է:

«ՀայՌուսգազարդ» ՓԲԸ հետեւողականորեն շարունակում է ՀՀ տնտեսության համար ռազմավարական նշանակություն ունեցող գազաէներգետիկ ծրագրերի իրականացումը, մասնավորապես, Իրան-Հայաստան գազատարի գործարկմամբ պայմանավորված գազափոխադրման համակարգի ընդլայնման եւ Հրազդանի ՋԷԿ-ի 5-րդ էներգաբլոկե համալիրի արդիականացման եւ շինարարության ավարտի ուղղությամբ: 2009թ. հունվար-սեպտեմբեր ամիսների ընթացքում այս ծրագրերի ուղղությամբ իրականացված ներդրումները կազմել են շուրջ 27.8 մրդ դրամ: Բացի այդ, Գազային համալիրի վերականգնման եւ զարգացման ծրագրի իրականացման համար 2009թ. առաջին 9 ամիսների ընթացքում Ընկերության կողմից ներդրումները կազմել են շուրջ 10.3 մլրդ դրամ:

Վերջին տարիներին «ՀայՌուսգազարդ» ՓԲԸ կողմից կատարված ներդրումային ծրագրերի ամբողջական արժեքը կազմում է 700-750 մլն ԱՄՆ դոլար:

Ներդրումային ծրագրերը ֆինանսավորվում են ինչպես սեփական, այնպես էլ փոխառու միջոցների հաշվին: Փոխառու միջոցների ներգրավման հարցում ,ՀայՌուսգազարդե ՓԲԸ համագործակցում է մի շարք տեղական եւ արտասահմանյան ֆինանսական հաստատությունների հետ:

«Գազպրոմբանկ» ԲԲԸ-ն ՌԴ-ի խոշորագույն ֆինանսական ինստիտուտներից մեկն է: Ընդգրկված է Ռուսաստանի խոշորագույն բանկերի եռյակում եւ երրորդն է Կենտրոնական ու Արեւելյան Եվրոպայի բանկերի ցուցակում: Սպասարկում է ռուսական տնտեսութն առանցքային ճյուղերը` գազի, նավթի ատոմային, էլեկտրաէներգետիկայի ոլորտները: 2009թ. հունիսի 30-ի դրությամբ «Գազպրոմբանկի» ընդհանուր դրամագլուխը կազմում է 156,5 մլրդ ռուբլի, ընդհանուր ակտիվները` 1855,3 մլրդ ռուբլի:

«Առեքսիմբանկ» ՓԲԸ-Գազպրոմբանկ խումբը հիմնվել է 1998թ. գործարարներ աջակցության եւ ՌԴ-ի ու Հայաստանի միջեւ առկա ֆինանսական հոսքերի սպասարկման նպատակով: 2007 թվականից այն ընդգրկվել է ռուսական «Գազպրմբանկի» խմբում որպես 100-տոկոսանոց դուստր-ձեռնարկություն: 2009թ. հոկտեմբերի 18-ի դրությամբ ընդհանուր դրամագլուխը կազմել է 9,906, 771 հազար դրամ, իսկ ընդհանուր ակտիվները` 39,545,809 հազար դրամ: Մասնաճյուղերի քանակը 15-ն է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով