2010 թ. Հայաստանը Հյուսիս-Հարավ ավտոմայրուղու շինարարության համար ԱԶԲ-ից կստանա առաջին 70 մլն դոլարը

30 հոկտեմբերի 2009 - 17:28 AMT

PanARMENIAN.Net - 2010 թ. Հայաստանը ստանալու է առաջին 70 մլն դոլարը Ասիական զարգացման բանկից Հյուսիս-հարավ ավտոմայրուղու շինարարության համար, ասաց Հայաստանի կապի եւ տրանսպորտի նախարարության միջազգային կապերի գծով վարչության ղեկավար Գագիկ Գրիգորյանը Երեւանում «EXPO-RUSSIA 2009 ARMENIA» ռուսական արդյունաբերական ամենամյա ցուցահանդեսի շրջանակներում անցկացված «Ռուսաստանի եւ Հայաստանի առեւտրատնտեսական հարաբերությունների զարգացման գործընթացում տրանսպորտի եւ կապի խնդիրների համատեղ լուծման հնարավոր ուղիների մասին» թեմայով կազմակերպված կլոր սեղանի ընթացքում:

Գրիգորյանը հայտնեց, որ Ասիական զարգացման բանկի հետ արդեն կնքվել է պայմանագիր մինչեւ 550 կմ երկարաձգվող ավտոմայրուղու շինարարության համար 500 մլն դոլար տրամադրելու մասին: Այդ ավտոմայրուղին կապելու է երկրի հարավը հյուսիսի հետ: Նրա խոսքերով, այդ մայրուղին մինչեւ Գյումրի է ձգվում, այն քառուղի առաջին կարգի նոր ճանապարհ է, իսկ երկրորդ հատվածը կենթարկվի վերակառուցման:

Իր ելույթի ընթացքում նա պատմեց նաեւ Իրան-Հայաստան երկաթուղու շինարարության մասին: «Մենք արդեն ունենք այդ նախագծի տեխնիկատնտեսական հիմնավորումները, Ասիական զարգացման բանկի հետ տարվում են բանակցություններ ֆինանսավորման մասին»: Դրան զուգահեռ Գրիգորյանը հիշեցրեց, որ այդ նախագծի իրականացման համար ստեղծվել է աշխատանքային խումբ` Հայաստանի, Իրանի, Ռուսաստանի փոխնախարարների մակարդակով, արդեն տեղի է ունեցել առաջին հանդիպումը, սակայն երկրորդ նիստը դեռեւս հետաձգվում է մասնավորապես Իրանում տեղի ունեցող ընտրությունների եւ նախարարական վարչակազմի նշանակման պատճառով:

Ներկայացնելով ինֆրակառուցվածքային գերակա նախագծերը, Գրիգորյանը հատուկ ընդգծեց, որ տրանսպորտային ծախսերը նշանակալի մաս են կազմում, այդ պատճառով այդ ոլորտի զարգացումը Հայաստանի համար մեծ նշանակություն ունի:

Ռուսական կազմակերպությունն, իր հերթին, ներկայացրեց իր գործունեության հիմնական ուղղությունները, ինչպես նաեւ ապրանքները, ծառայությունները, որոնք պահանջարկ կունենան հայկական շուկայում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով