Ամերիկայի Հայ դատի հանձնախումբը (ANCA) ԱՄՆ-ի հայ համայնքի անունից հավանություն է տվել anti-Darfur Genocide խմբի հայտարարությանը, որը կոչ է արել Օբամայի վարչակազմին դատապարտել Սուդանի նախագահ Օմար ալ-Բաշիրի առաջիկա այցը Թուրքիա: Ամերիկյան առաջընթացի կենտրոնի, Enough, «Փրկենք Դարֆուրը» եւ Genocide Intervetiopn Network կազմակերպությունների համատեղ հայտարարության մեջ ասվում է, որ նախագահ Օբաման եւ պետքարտուղար Քլինթոնը պետք է միջոցներ ձեռնարկեն, որպեսզի «հետախուզման մեջ գտնվող ռազմական հանցագործը» չկարողանա այցելել ԱՄՆ-ի դաշնակիցները համարվող երկրներ: Ըստ այդ կազմակերպությունների, եթե Վաշինգտոնը չգնա այդ քայլին, ապա դա հստակ ուղերձ կլինի, որ ամերիկյան վարչակազմը լրջորեն չի վերաբերում Սուդանի կողմից այն ռազմավարության կատարմանը, որի մասին ԱՄՆ-ն հայտարարել էր:

«Մենք ցանկանում ենք շնորհակալություն հայտնել այդ կազմակերպություններից յուրաքանչյուրին, քանի որ նրանք հստակ եւ վճռական պահանջում են ամերիկյան ղեկավարությնից դադարեցնել Ցեղասպանությունը Դարֆուրում»,-հայտարարել է ANCA-ի գործադիր տնօրեն Արամ Համբարյանը:

Սուդանի նախագահը հաջորդ շաբաթ կայցելի Թուրքիա` Իսլամական կոնֆերանսի երկրների գագաթնաժողովին մասնակցելու նպատակով: Թուրքիայի պաշտոնյաները հայտարարել են, թե չեն գործի Միջազգային քրեական դատարանի մի շարք ռազմական հանացգործությունների համար մեղադրվող ալ-Բաշիրին ձերբակալելու որոշման համաձայն: