2009 թվականի հունվար-սեպտեմբերին Հայաստան է այցելել 422 807 զբոսաշրջիկ 9 նոյեմբերի 2009 - 15:18 AMT PanARMENIAN.Net - 2009 թվականի հունվար-սեպտեմբերին Հայաստան է այցելել 422 807 զբոսաշրջիկ: Դա 5,8 տոկոսով ավելի է նախորդ տարվա նույն ժամանակահատվածի համեմատ: Այդ մասին Երեւանում կայացած մամլո ասուլիսում հայտարարել է ՀՀ էկոնոմիկայի նախարարության զբոսաշրջության վարչության պետ Մեխակ Ապրեսյանը: «2008 թվականի նույն ժամանակահատվածում Հայաստան է ժամանել 399 հազար 691 զբոսաշրջիկ: Անշուշտ, ֆինանսական ճգնաժամը կանդրադառնա Հայաստան այցելած զբոսաշրջիկների քանակի աճի վրա, սակայն անկում չի լինի»,-ասել է վարչության պետը: Ըստ նրա, Հայաստան զբոսաշրջիկներ են ժամանում հիմնականում ՌԴ-ից, Վրաստանից, ԱՊՀ այլ երկրներից, Եվրոպայից, Իրանից, ԱՄՆ-ից: «Շուրջ 60-62 տոկոսը ծագումով հայ են, սակայն վերջին տարիներին ընդլայնվում է այն երկրների աշխարհագրությունը, որտեղից զբոսաշրջիկներ են ժամանում Հայաստան: Օրինակ, վերջին 2 տարում զբոսաշրջիկների խմբեր են ժամանում Թուրքիայից, Լատինական Ամերիկայից եւ սկանդինավյան երկրներից»,-ասել է Մեխակ Ապրեսյանը: Անդրադառնալով հայ-թուրքական սահմանի հնարավոր բացմանն ու նրա ազդեցությանը ՀՀ-ում զբոսաշրջության զարգացման վրա` Մ.Ապրեսյանն ասել է, որ սահմանի բացումն ընդհանրապես դրական է ազդում այդ ոլորտի զարգացման վրա: «Թուրքիայի հետ սահմանի բացումը բարենպաստ ազդեցություն կունենա մեր երկրի ներգնա եւ արտագնա զբոսաշրջության զարգացման վրա: Բացի այդ, դա կնպաստի տարածաշրջանային զբոսաշրջության զարգացմանը»,-ասել է Մ.Ապրեսյանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Երևանում ոստիկանական մեքենան հարվածել է ակցիա լուսաբանող լրագրողին Ըստ որոշ տեղեկությունների, նա ոտքի վնասվածք է ստացել, ԲԿ–ում է Պատել. ԱՄՆ-ն շարունակում է հավատալ, որ ՀՀ և Ադրբեջանի միջև խաղաղությունը հնարավոր է Նա նաև հավելել է, որ Ալմաթիում տեղի ունեցած բանակցությունների վերաբերյալ այլ թարմացումներ չունի Արմավիրի Դողս բնակավայրում շչակ է գործարկվելու Բնակիչներին խնդրում են չանհանգստանալ Երևանում բողոքի ակցիաները վերսկսվել են․ 38 բերման ենթարկված կա Աբովյան փողոցում ոստիկանությունն ուժ է կիրառել և բերման ենթարկել ցույցի մասնակիցներին |