«Չնայած այն բանի, որ Բաքուն շատ կցանկանար տեսնել իր «մեծ եղբորը» ԵԱՀԿ ՄԽ համանախագահի դերում, տվյալ սցենարի իրագործումը իրական չէ», - հայտարարել է PanARMENIAN.Net-ին Հայաստանի նոր պահպանողական շարժման (ՀՆՊՇ) Էդուարդ Աբրահամյանը: Նա հիշեցրել է, որ ԵԱՀԿ ՄԽ ձեւաչափի փոփոխությունը կախված է ոչ միայն ադրբեջանական, այլ նաեւ հայկական կողմից: Նրա խոսքերով, այդ բանը չեն կարող չհասկանալ նաեւ Անկարայում: «Հենց այդ պատճառով Թուրքիայի իշխանությունները փորձում են լուծել ղարաբաղյան հակամարտությունը շրջանցող ճանապարհներով, որից մեկը կապված է Թուրքիայի նոր քաղաքականության հետ, որը ուղղված է Հայաստանի հետ հարաբերությունների հաստատմանը, ինչի մասին բավականին մանրամասն արտահայտվեց այն ուժերի կողմից, որոնք մտահոգված են Հայ-թուրքական արձանագրությունների բովանդակությամբ», - ընդգծել է Աբրահամյանը: