«Ժառանգություն» կուսակցությունը ներկայացրել է կառավարությանը 56 առաջարկ երկրի 2010 թ-ի պետբյուջեի վերաբերյալ13 նոյեմբերի 2009 - 20:14 AMT PanARMENIAN.Net - Նոյեմբերի 12-ին «Ժառանգություն» խմբակցությունը, առաջնորդվելով «ԱԺ կանոնակարգ» օրենքի 83-րդ հոդվածի պահանջներով, ՀՀ ԱԺ աշխատակազմ ներկայացրեց «Հայաստանի Հանրապետության 2010 թվականի պետական բյուջեի մասին» Հայաստանի Հանրապետության օրենքի նախագծի վերաբերյալ իրենց առաջարկությունները: Հեղինակների թվով 56 առաջարկությունները, որոնց ձեւավորման գործում ակտիվ մասնակցություն են ցուցաբերել հասարակական կազմակերպությունները, տեղական ինքնակառավարման մարմինների ներկայացուցիչները (համայնքապետեր, գյուղապետեր) եւ քաղաքացիները, վերաբերվում են սոցիալ-տնտեսական, կրթության, գիտության, առողջապահության` հաշմանդամների, անապահով խմբերի, մոր եւ մանկան առողջության պահպանմանն ու բարելավմանը, տարածքային համաչափ զարգացմանը, փորք եւ միջին ձեռնարկատիրության, ավանդների վերադարձման, ինչպես նաեւ` Հայաստանի Հանրապետության արտաքին քաղաքականության եւ Հայոց Ցեղասպանության միջազգային ճանաչմանն առնչվող հիմնախնդիրներին:«Ժառանգություն» կուսակցությունն ու համանուն խմբակցությունն անընդունելի եւ անհեռանկարային են համարում պետության կարեւորագույն ֆինանսական փաստաթղթի այսօրինակ նախագիծը, որը միտված չէ հակաճգնաժամային քաղաքականության իրականացմանը: Հայաստանի Հանրապետության 2010 թվականի դեֆոլտային պետական բյուջեում գերակշռում են պետական պարտքի բեռը, հանքագործական արդյունաբերության արտադրության եւ տնտեսության ենթակառուցվածքներում շինարարության եւ սպասարկման ոլորտի ծավալների գերակայությունը: 2010 թվականի պետական բյուջեն սպասարկում է չինովնիկներին, օլիգա-մենաշնորհային արատավոր համակարգին եւ արտահայտում է իշխանությունների անկարողությունը` ստվերային տնտեսությունը եւ հատկապես խոշոր բիզնեսը հարկման դաշտ բերելուն, չի նպաստում Հայաստանի Հանրապետության տնտեսության ճյուղերի զարգացմանը, մասնավորապես` արդյունաբերության, ՓՄՁ-ի եւ ագրարային հատվածի, ինչպես նաեւ` գյուղմթերքների իրացման եւ վերամշակման ոլորտների գործունեության արդյունավետության բարձրացմանը, որն անհնարին է դարձնում դիվերսիֆիկացված արտադրության զարգացումը: Հայաստանի Հանրապետության 2010 թվականի պետական բյուջեի դեֆիցիտը 4,5 անգամ գերազանցում է նախորդ տարվա ցուցանիշներից: Այն անկարող է ապահովել Հայաստանի Հանրապետության քաղաքացիների եւ բնակչության սոցիալական հիմնախնդիրների լուծումը, ինչպես նաեւ` աղքատների եւ խոցելի խմբերի կենսամակարդակի բարելավումը: «Ժառանգություն» խմբակցությունը խորապես անհանգստացած է կառավարության կողմից ներկայացված 2010 թվականի պետական բյուջեի բացասական եւ ԱՆԿՈՒՄԱՅԻՆ բնույթով եւ Հայաստանի Հանրապետության առջեւ ծառացած մարտահրավերների լուծման` իշխանությունների դիմակայելու անունակությամբ, հաղորդում է «Ժառանգություն» կուսակցության մամլո ծառայությունը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |