  Երեւանում տեղի է ունեցել Ազգային մրցունակության հիմնադրամի hոգաբարձուների խորհրդի նիստը16 նոյեմբերի 2009 - 10:42 AMT PanARMENIAN.Net - Ազգային մրցունակության հիմնադրամի Հոգաբարձուների խորհրդի 13-րդ նիստը, որը տեղի ունեցավ Երեւանում նոյեմբերի 14-15-ին, Հայաստանի վարչապետ, հիմնադրամի հոգաբարձուների խորհրդի նախագահ Տիգրան Սարգսյանը ներկայացրել է 2009 թ. կառավարության հակաճգնաժամային գործունեության արդյունքները, ինչպես նաեւ 2010 թվականի բյուջեով նախատեսվող ծրագրերը եւ «Արմթեք-2009»-ի այցելություններից տպավորությունները։ ՀՀ կառավարության ղեկավարը մասնավորապես նշել է. «Ժամանակակից աշխարհը փոխել է մրցակցության հայեցակարգը։ Ինդուստրիալ հասարակության կանոնները` մրցակցային, հետինդուստրիալ հասարակությունում այլեւս չեն աշխատում։ Ժամանակակից տեխնոլոգիաները լուծում են բազմաթիվ խնդիրներ, այդ թվում նաեւ` սոցիալական խնդիրներ։ Ժամանակակից տեխնոլոգիաները, մխրճվելով հասարակական հարաբերությունների ոլորտ, փոխում են հասարակությունների արժեքային համակարգերը։ Այս երեւույթը մեր լրջագույն քննարկման առարկան պետք է լինի»։«Ո՞րն է Հայաստանի Հանրապետությունում թռիչքաձեւ զարգացում ապահովելու եւ համահայկական կառույցներին դրա շուրջ հավաքելու բանաձեւը», ահա հարցը, որի պատասխանի քննարկմանն է հրավիրել ներկաներին ՀՀ վարչապետը։ Տիգրան Սարգսյանը հիշեցրել է «Արմթեք-2009»-ի ընթացքում հնչած ձեւակերպումներից մեկը` «անցյալն այսօրն է, իսկ ապագան վաղն է»։ «Դա պարտավորեցնում է աշխատել ավելի արագ, քանզի հայկական աշխարհի հայեցակարգը թարմացման կարիք ունի», նշել է վարչապետը։ Այնուհետեւ, նիստի օրակարգի շրջանակներում քննարկվել են Հայաստանի եւ համաշխարհային տնտեսության առկա զարգացումների վերաբերող հարցեր։ Քննարկման առարկա են դարձել Սփյուռքի հետ համագործակցության ռազմավարությունները եւ Սեւանի բարձրադիր պայմաններում համապատասխան սպորտաձեւերի` որպես նոր զբոսաշրջային ապրանքի ձեւավորման հնարավորությունները։ Այս մասին զեկույցներով հանդես են եկել Իռլանդիայի Ազգային Համալսարանի պրոֆեսորներ Ռոբ Քիթչինն ու Մարկ Բոյլը, ինչպես նաեւ Մյունխենից ժամանած հյուրերը` սպորտի եւ զբոսաշրջության փորձագետներ Պետեր Գոթվալդը եւ Ֆրանկ Դանիել Էհրսամը։ Օրակարգի թեմաներից են եղել նաեւ համահայկական ցանցի նախագծի աշխատանքային պլանավորումը եւ համահայկական բանկի ծրագրի հաշվետվությունների ներկայացումը, հիմնադրամի ընթացիկ աշխատանքների հետ կապված այլ հարցեր:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Բաժիններ թեմայով Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
