  Պետական այցով Հայաստան է ժամանել Լատվիայի նախագահ Վալդիս Զատլերսը 9 դեկտեմբերի 2009 - 20:02 AMT PanARMENIAN.Net - ՀՀ նախագահ Սերժ Սարգսյանի հրավերով դեկտեմբերի 9-ին եռօրյա այցով Հայաստան ժամանեց Լատվիայի նախագահ Վալդիս Զատլերսն իր տիկնոջ` Լիլիտա Զատլերսի հետ: Լատվիայի նախագահին ուղեկցող պատվիրակության կազմում Հայաստան կժամանեն նաեւ էկոնոմիկայի, ներքին գործերի, շրջակա միջավայրի պաշտպանության նախարարները, արտաքին կապերի գծով խորհրդարանական հանձնաժողովի նախագահը, այլ պաշտոնատար անձինք:Դեկտեմբերի 10-ին ՀՀ նախագահի նստավայրում կկայանա Լատվիային նախագահի ընդունելության հանդիսավոր արարողությունը, որին կհաջորդի երկու պետությունների ղեկավարների տետ-ա-տետ հանդիպումը: Դրանից հետո ընդլայնված ձեւաչափով կկայանան պաշտոնական պատվիրակությունների բանակցությունները , ինչպես նաեւ մի շարք միջպետական ու միջգերատեսչական փաստաթղթերի ստորագրում: Այցի շրջանակներում Լատվիայի նախագահը կհանդիպի Հայաստանի խորհրդարանի խոսնակ Հովիկ Աբրահամյանի, վարչապետ Տիգրան Սարգսյանի, Ամենայն Հայոց Կաթողիկոս Գարեգին Երկրորդի հետ: Երկու երկրների նախագահները կմասնակցեն նաեւ հայ-լատվիական բիզնես-ֆորումի բացմանը: Վալդիս Զատլերսը կայցելի Հայոց ցեղասպանության զոհերի հիշատակի հուշահամալիր Ծիծեռնակաբերդում, որտեղ պսակ կդնի Հուշարձանին եւ ծառ կտնկի Հիշատակի ծառուղում: Երեւանի պետական համալսարանում Լատվիայի նախագահը կհանդիպի ԵՊՀ պրոֆեսորադասախոսական կազմի եւ ուսանողների հետ: Երեւանի քաղաքապետարանում կկայանա Վալդիս Զատլերսի հանդիպումը Հայաստանի մայրաքաղաքի պետ Գագիկ Բեգլարյանի հետ, էքսկուրսիա կանցկացվի Երեւանի պատմության թանգարանում: Վալդիս Զատլերսը կայցելի նաեւ Երեւանի կոնյակի գործարան ու Հնագույն ձեռագրերի ինստիտուտ` Մատենադարան: Լատվիայի նախագահի այցը կավարտվի դեկտեմբերի 11-ին:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Բաժիններ թեմայով Վերջին լուրեր ԱՄՆ Պետդեպը ողջունել է ՀՀ և Ադրբեջանի ԱԳ նախարարների հանդիպումն անցկացնելու` Ղազախստանի առաջարկը  «Մենք բազմիցս հայտարարել ենք, որ ոգևորված ենք Հայաստանի և Ադրբեջանի միջև մինչ օրս ձեռք բերված առաջընթացից»,–ասել են ՊետդեպիցՍուրեն Պետրոսյան. ՔՊ-ից որոշ կոնտակտներ իրենց նախաձեռնությամբ մեզ հետ եղել են Նա նշել է, որ որ ՔՊ-ի որոշումներ կայացնելու վրա ազդեցություն ունեցողներից 4-5 հոգի են կոնտակտի դուրս եկածներըՀունիսի 1–ից Վրաստան մտնող յուրաքանչյուր զբոսաշրջիկ պետք է բժշկական ապահովագրություն ունենա Կարգազանցների համար նախատեսվում է տուգանքԸստ ԻՔՄ հաշվարկի՝ մայիսի 9–ի հանրահավաքին մոտ 32,000 մարդ է մասնակցել Հաշվարկն արվել է աերոնկարահանման միջոցով |
