Հայաստանի պետական պարտքը 2009 թվականին կկազմի ՀՆԱ-ի 37 տոկոսը

17 դեկտեմբերի 2009 - 14:48 AMT

PanARMENIAN.Net - Հայաստանի պետական պարտքը 2009 թվականին ՀՆԱ-ի 13 տոկոսը կազմող փոքր ցուցանիշից աճեց եւ տարեվերջին կկազմի ՀՆԱ-ի 37 տոկոսը: Այդ մասին դեկտեմբերի 17-ին մամլո ասուլիսում լրագրողներին է ասել Համաշխարհային բանկի երեւանյան գրասենյակի ղեկավար Արիստոմենե Վարուդակիսը: Նա նաեւ հավելել է, որ ըստ ՀԲ կանխատեսումների մինչեւ 2011թ. երկրի պետպարտքը կկազմի ՀՆԱ-ի 50 տոկոսը: Ինչ վերաբերում է Հայաստանի պետպարտքին ոչ արտոնյալ վարկերի գծով, ապա այստեղ, ըստ նրա, աճը ավելի մեծ կլինի:

Վարուդակիսը նշել է, որ Հայաստանը կարող է մարել պարտքերը, քանի որ դրանք երկարաժամկետ են եւ տրվել են արտոնյալ պայմաններով: Ընդ որում նա հավելել է, որ երկիրը պետք է ապահովի հարկահանության բարձր մակարդակ, քանի որ այն այժմ կազմում է ՀՆԱ-ի միայն 17 տոկոսը, բարձրացնի երկրի մրցունակության մակարդակը, ապահովի արտահանման բավարար մակարդակ, ինչը թույլ կտա ապահովել պետպարտքի սպասարկումը, ինչը Հայաստանը պետք է սկսի արդեն 2010 թվականին:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով