  Սերժ Սարգսյան. «Հայաստանը շահագրգռված է Դանիայի հետ հարաբերությունների զարգացմամբ»17 դեկտեմբերի 2009 - 21:18 AMT PanARMENIAN.Net - Դեկտեմբերի 17-ին Հայաստանում Դանիայի նորանշանակ դեսպան Մայքլ Բորգ Հանսը (նստավայրը` Կիեւում) ՀՀ նախագահ Սերժ Սարգսյանին հանձնեց իր հավատարմագրերը: Հայաստանի նախագահը շնորհավորեց դեսպանին նոր նշանակման առիթով եւ նշեց, որ Հայաստանը շահագրգռված է Դանիայի հետ երկկողմ եւ բազմակողմ ձեւաչափերով հարաբերությունների զարգացմամբ: Սերժ Սարգսյանը նշել է, որ Հայաստանն ու Դանիան փոխգործակցության լավ հեռանկարներ ունեն նաեւ Եվրամիության «Արեւելյան գործընկերության» ծրագրի շրջանակներում: Հայաստանի նախագահի հետ համաձայնելով, Դանիայի դեսպանն ասել է, որ դա իր երկրի կառավարության նպատակներից է: Նա նաեւ պատրաստակամություն է հայտնել իր գործունեությամբ ամրապնդելու Հայաստանի եւ Դանիայի միջեւ հարաբերությունները: Տնտեսության բնագավառում գործակցության համար որպես հնարավոր ուղղություններ Մայքլ Բորգ Հանսը նշել է գյուղատնտեսության, էներգետիկայի արդյունավետ կառավարման եւ օգտագործման ոլորտները, որտեղ Դանիան մեծ փորձառություն ունի եւ կարող է օգնել Հայաստանին: Սերժ Սարգսյանն ու Մայքլ Բորգ Հանսենը մտքեր են փոխանակել տարածաշրջանային գործընթացների վերաբերյալ: Այդ համատեքստում Հայաստանի նախագահը գոհունակությամբ ընդգծել է Հարավային Կովկասի հիմնախնդիրների նկատմամբ Դանիայի հավասարակշիռ դիրքորոշումը: Կողմերը համակարծիք էին այն հարցում, որ յուրաքանչյուր խնդրի կարգավորման լավագույն ճանապարհը երկխոսությունն ու համագործակցությունն է:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Բաժիններ թեմայով Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
