Բաքու-Թբիլիսի-Ջեյհան նավթամուղը շահութաբեր չէ Թուրքիայի համար26 դեկտեմբերի 2009 - 14:28 AMT PanARMENIAN.Net - Բաքու-Թբիլիսի-Ջեյհան նավթամուղը շահութաբեր չէ Թուրքիայի համար: Այդ մասին գրում է «Վաթան» թերթը, հղում անելով BOTAS ընկերության գաղտնի հաշվետվության վրա, որն ուղարկվել է Թուրքիայի Մեծ ազգային ժողով: Ըստ զեկույցի, 3 տարում BOTAS ընկերությունը Բաքու-Թբիլիսի-Ջեյհան նախագծից 2010 մլն դոլարի վնաս է կրել, եւ եթե գործող պայմանագիրը չփոխվի, գումարը կաճի: Այդ կապակցությամբ, դեկտեմբերի 9-ին Թուրքիայի Մեծ ազգային ժողովը փակ նիստ է անցկացրել: Նիստում նշվել է, որ BOTAS International LTD ընկերությունը, որը փորձում է փակել ֆինանսական ռեսուրսների իր պահանջները կարճաժամկետ եւ երկարաժամկետ վարկերի միջոցով, վերածվել են անշահութաբեր ընկերությունների: Այդ իրավիճակից դուրս գալու համար BOTAS-ը առաջարկներ է ներկայացրել, որն այժմ դիտարկվում է: Ըստ ընկերության, վնասները առաջանում են 2 պատճառով: Առաջինը, կնքված պայմանագրերը երաշխիքներ չեն տալիս նավթամուղը լցնելու եւ արտահանվող նավթի ծավալների վերաբերյալ: Եվ երկրորդը, թեեւ ի սկզբանե պայմանավորվածութուն կար, որ նավթը որպես վառելիք պոմպակայանների համար կլինի բարելի դիմաց 18 դոլարից ոչ ավելի, հետագայում որպես վառելիք օգտագործվեց բնական գազը, որի գինը ֆիքսված չէր պայմանագրում: Գազի գների աճի պատճառով BOTAS-ը եւս վնասներ է կրում եւ պահանջում է ապահովել պայմանագրային ծավալներն ու կայուն գին սահմանել գազի համար: Բաքու-Թբիլիսի-Ջեյհան նավթամուղի բացման արարողությունը Ադրբեջանի, Վրաստանի ու Թուրքիայի նախագահների մասնակցությամբ տեղի ունեցավ 2006թ. հուլիսի 13-ին: Թուրքիան տարեկան 300 մլն դոլար եկամուտ էր ակնկալում այդ նախագծից: Նախագծի օպերատորն է BTC CO-ն: Թուրքական հատվածի շահագործումը իրականացնում է BOTAS ընկերությունը: Ընկերությունը յուրաքանչյուր բարել նավթի տարանցման համար գանձում է 35 ցենտ եւ 20 ցենտ որպես հարկ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |