Հունվարի 8-ին Georgian Airways-ը մեկուկես տարվա ընթացքում առաջին անգամ ուղիղ չվերթ կիրականացնի դեպի Մոսկվա: «Բոինգ-737» ինքնաթիռը Թբիլիսի-Մոսկվա-Թբիլիսի չվերթով թռիչք կիրականացնի հունվարի 8,9 եւ 10-ին: Ինչպես հաղորդեցին ընկերությունից, ուրբաթ օրվա բոլոր տոմսերն արդեն վաճառվել են, հաղորդում է BBC-ն:

Մոսկվա-Թբիլիսի ուղիղ չվերթները դադարեցվեցին 2006-ին երկու երկրների միջեւ հարաբերությունների սրումից հետո, վերականգնվեցին 2008-ին եւ կրկին դադարեցվեցին 2008թ. օգոստոսյան հակամարտությունից հետո: