Հայաստանի պետծառայողներին կսովորեցնեն ֆրանսերեն լեզու
Հունվարի 18-ին մեկնարկել է ՀՀ պետական համակարգում ներգրավված պետծառայողների ֆրանսերենի ուսուցման ծրագիրը:
2009 թ. հունիսի 9-ին ՀՀ արտաքին գործերի նախարարության եւ Ֆրանկոֆոնիայի միջազգային կազմակերպության, Ֆրանսիայի Հանրապետության, Լյուքսեմբուրգի Մեծ Դքսության - Բելգիայի ֆրանսիական համայնքի կառավարությունների միջեւ ՀՀ պետծառայողների ֆրանսերենի ուսուցման բազմամյա ծրագրի մասին ստորագրված հուշագրի համաձայն` այսօրվանից մեկնարկում են Հայաստանում «Ալիանս Ֆրանսեզ» (Alliance Franջaise-Armռnie) կենտրոնի կողմից իրականացվող ֆրանսերեն լեզվի դասընթացները, որոնց մասնակցելու են առավել քան 70 պաշտոնյաներ, հաղորդում է նախարարության մամլո ծառայությունը:
Դասընթացները նախատեսված են հիմնականում ՀՀ նախարարությունների, Ազգային ժողովի, Սահմանադրական դատարանի եւ Երեւանի քաղաքապետարանի աշխատակազմերում ընդգրկված պետծառայողների համար:
Ֆրանսերենի ուսուցման այս ծրագիրը նպատակ ունի բարելավել միջազգային համագործակցության ոլորտում ներգրավված ՀՀ դիվանագետների եւ պետծառայողների ֆրանսերեն լեզվի իմացության մակարդակը, որի մասին Հայաստանը պատրաստակամություն է հայտնել Ֆրանկոֆոնիայի միջազգային կազմակերպության ասոցացված անդամի կարգավիճակ ձեռք բերելիս եւ ամրապնդել ՀՀ պետծառայողների լեզվաճանաչողական գիտելիքները:
Ֆրանկոֆոնիայի միջազգային կազմակերպությունը (ՖՄԿ)` աշխարհի ֆրանսալեզու երկրների համագործակցության միջազգային կազմակերպություն է: Այն միավորում է տարբեր երկրներ ներկայացնող 56 անդամ եւ 14 դիտորդ: Կազմակերպությանը անդամակցելու գլխավոր չափանիշը համարվում է ոչ թե ֆրանսերեն լեզվի տիրապետման մակարդակը (թեեւ դա ողջունվում է), այլ Ֆրանսիայի հետ մշակութային կապերը, որոնք ստեղծվել են տասնամյակների եւ նույնիսկ դարերի ընթացքում: Իր ժամանակակից տեսքով ՖՄԿ-ն գոյություն ունի 1970 թ-ց: Կազմակերպության կարգախոսն է` «Հավասարություն, լրացում, համերաշխություն»:
2009 թ. հունիսի 9-ին ՀՀ արտաքին գործերի նախարարության եւ Ֆրանկոֆոնիայի միջազգային կազմակերպության, Ֆրանսիայի Հանրապետության, Լյուքսեմբուրգի Մեծ Դքսության - Բելգիայի ֆրանսիական համայնքի կառավարությունների միջեւ ՀՀ պետծառայողների ֆրանսերենի ուսուցման բազմամյա ծրագրի մասին ստորագրված հուշագրի համաձայն` այսօրվանից մեկնարկում են Հայաստանում «Ալիանս Ֆրանսեզ» (Alliance Franջaise-Armռnie) կենտրոնի կողմից իրականացվող ֆրանսերեն լեզվի դասընթացները, որոնց մասնակցելու են առավել քան 70 պաշտոնյաներ, հաղորդում է նախարարության մամլո ծառայությունը:
Դասընթացները նախատեսված են հիմնականում ՀՀ նախարարությունների, Ազգային ժողովի, Սահմանադրական դատարանի եւ Երեւանի քաղաքապետարանի աշխատակազմերում ընդգրկված պետծառայողների համար:
Ֆրանսերենի ուսուցման այս ծրագիրը նպատակ ունի բարելավել միջազգային համագործակցության ոլորտում ներգրավված ՀՀ դիվանագետների եւ պետծառայողների ֆրանսերեն լեզվի իմացության մակարդակը, որի մասին Հայաստանը պատրաստակամություն է հայտնել Ֆրանկոֆոնիայի միջազգային կազմակերպության ասոցացված անդամի կարգավիճակ ձեռք բերելիս եւ ամրապնդել ՀՀ պետծառայողների լեզվաճանաչողական գիտելիքները:
Ֆրանկոֆոնիայի միջազգային կազմակերպությունը (ՖՄԿ)` աշխարհի ֆրանսալեզու երկրների համագործակցության միջազգային կազմակերպություն է: Այն միավորում է տարբեր երկրներ ներկայացնող 56 անդամ եւ 14 դիտորդ: Կազմակերպությանը անդամակցելու գլխավոր չափանիշը համարվում է ոչ թե ֆրանսերեն լեզվի տիրապետման մակարդակը (թեեւ դա ողջունվում է), այլ Ֆրանսիայի հետ մշակութային կապերը, որոնք ստեղծվել են տասնամյակների եւ նույնիսկ դարերի ընթացքում: Իր ժամանակակից տեսքով ՖՄԿ-ն գոյություն ունի 1970 թ-ց: Կազմակերպության կարգախոսն է` «Հավասարություն, լրացում, համերաշխություն»:
