Այսօր Արձանագրությունները կուղարկվեն ՀՀ-ի Ազգային ժողով: Այդ մասին Երեւանում կայացած մամլո ասուլիսում հայտարարել է ՀՀԿ-ի խմբակցության ղեկավար Գալուստ Սահակյանը: Նրա խոսքերով, տվյալ գործընթացը ունի տեխնիկական նշանակություն, եւ ՀՀ-ի խորհրդարանը չի քննարկի Արձանագրությունները մինչեւ թուրքական կողմը չվավերացնի դրանք: Ընդ որում անդրադառնալով Անկարայի կողմից Արձանագրությունների վավերացմանը, Սահակյանը ասել է, որ բոլոր խելամիտ ժամկետները վաղուց սպառվել են:

«Մեր համբերությունը սպառվում է: Եթե Թուրքիան այդ կերպ շարունակի, ապա կառաջանա ստորագրությունները հետ վերցնելու հարցը», - ասել է նա: