Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը եւ Հայաստանի Աստվածաշնչային ընկերությունը Մայր Աթոռի միաբաններ Տ. Ռուբեն աբեղա Զարգարյանի եւ Տ. Շահե աբեղա Անանյանի ջանքերով լույս են ընծայել «Ավետարանի գործող անձինք» աստվածաշնչագիտական <b>բառարան</b>:

Բառարանում ընդգրկված են Ավետարաններում հանդիպող անձնանունները, նշված են համապատասխան ավետարանական տեղիները, բերված են գրաբար եւ աշխարհաբար հատվածները: Բառարանը հրատարակվել է Վլադիմիր Ենգիբարյանի եւ Բելա Ժամգարյանի մեկենասությամբ: