«Վրաստանի իշխանությունները վերջերս մեկ տարի ժամկետով պայմանագիր կնքեցին ամերիկացի կոնգրեսական, դեմոկրատ Ռիչարդ Գեֆհարդտի հետ, որի համաձայն այդ կոնգրեսականի ընկերությունը զբաղվելու է Վաշինգտոնում Վրաստանի իշխանությունների լոբբինգով: Ըստ փաստաթղթերի, որ ընկերությունը ներկայացրել է ԱՄՆ Արդարադատության դեպարտամենտ, պայմանագրի աժեքը մոտ կես միլիոն դոլար է: Ընկերությունը պարտավորվում է լոբբինգ վարել ի նպաստ Վրաստանի իշխանությունների եւ նրանց հարաբերությունների Կոնգրեսում եւ գործադիր մարմիններում»,-ասվում է <b>Ռուսաստանի ջավախահայերի</b> ուղերձում:
Այս կապակցությամբ ՌԴ ջավախահայերը նմանատիպ խնդրանքով դիմում են ՌԴ իշխանություններին, որպես ԽՍՀՄ-ի իրավահաջորդի, որպեսզի նրանք քննարեն ՌԴ-ում Վրաստանի ազգային փոքրամասնությունների իրավունքների եւ ազատությունների պաշտպանության կոմիտե ստեղծելու հնարավորությունը:
«Հավաստիացնում ենք, որ այս կոչը հիմնված է բազմաթիվ կոչերի եւ հրապարակումների վրա, որոնք հրապարակվել են անկախ ԶԼՄ-ներում եւ որտեղ պարզորոշ երեւում է, թե ինչ աղետալի վիճակում են գտնվում Վրաստանում գտվող ազգային փոքրամասնությունները: Մենք նաեւ հավաստիացնում ենք, որ մեր դիմումը անջատողական նպատակներ չունի, այլ լոկ ենթադրում է ազգային փոքրամասնությունների շահերի եւ իրավունքների պաշտպանություն եւ լոբբինգ իշխանական կառույցներում»,-ասվում է ՌԴ ջավախահայերի ուղերձում: