Փետրվարի 26-ին «Արամ Խաչատրյան» մեծ համերգասրահում կկայանա Հայաստանի պետական ֆիլհարմոնիկ նվագախմբի համերգը, գեղարվեստական ղեկավար եւ գլխավոր դիրիժոր` Էդուարդ Թոփչյանի ղեկավարությամբ:
Ելույթ կունենա մենակատար, հայտնի շվեյցարացի ջութակահարուհի <b>Սիբիլե Չոփփը</b>:
Համերգային ծրագրի մեջ մտել են Մոցարտի (Ջութակի կոնցերտ թիվ 5), Բեթհովենի (Սիմֆոնիա թիվ 2) ստեղծագործությունները: Համերգի ավարտին տեղի կունենա հայ երգահան Կարեն Վարդանյանի «Ճանապարհ դեպի երկինք» ստեղծագործության պրեմիերան:
Համերգը տեղի կունենա Հայաստանի Մշակույթի նախարարության օժանդակությամբ եւ Հայկական ընդհանուր բարեգործական միության (AGBU) ու Viva Cell ընկերության ֆինանսական աջակցությամբ: