2010 թվականին կնշվի Հայ օգնության միության (ՀՕՄ) 100-ամյակը: Առաջին հոբելյանական միջոցառումը կկայանա մարտի 10-ին Նյու-Յորքում, որտեղ 1910 թվականին հիմնադրվեց <b>ՀՕՄ</b> հասարակական-բարեգործական կազմակերպությունը:
Միջոցառմանը ներկա կլինեն կազմակերպության ավելի քան 200 ներկայացուցիչներ Ֆրանսիայից, Հարավային Ամերիկայից, Հունաստանից, Լիբանանից, Կանադայից եւ ԱՄՆ-ից:
Հոբելյանի շրջանակներում ՀՕՄ-ը ծրագրում է օգոստոսին կազմակերպել Երկրորդ եվրոպական շրջագայությունը, այցելել Տեր Զօր անապատը, իսկ հոկտեմբերին Հալեպում տեղի կունենա սեմինար, Երեւանում` կազմակերպության գործունեության մասին պատմող գրքի եւ ֆիլմերի շնորհանդես: