«Չնայած Ադրբեջանի ռազմատենչ հայտարարություններին, ղարաբաղյան ճակատում ադրբեջանական բանակի եւ հասարակության ռազմական գործողությունների վերսկսման պատրաստակամությունը շատ կասկածելի է», - Երեւանում կայացած մամլո ասուլիսում հայտարարել է Դաշնակցության խմբակցության ղեկավար Վահան Հովհաննիսյանը:

Նրա խոսքերով, Ադրբեջանը բազմազգ երկիր է, եւ այնտեղ բնակվող ազգային փոքրամասնությունները դժվար թե ցանկանան մահվան ուղարկել իրենց երեխաներին Արցախի լեռներում: «Ադրբեջանցիներն էլ պատերազմ չեն ցանկանում: Մեր տվյալներով, ադրբեջանական իշխանությունների ռազմատենչ հայտարարությունները հանգեցնում են երկրից երիտասարդների արտահոսքին», նշել է նա: