Հայաստանի գանդբոլի կանանց հավաքականը մարտի 18-21-ին Իսրայելում կմասնակցի «Չելինջ տրոֆի» միջազգային մրցախաղին: Հայաստանի գանդբոլի ֆեդերացիայի պաշտոնական կայքէջի տվյալների համաձայն, մրցախաղին հանդես են գալու նաեւ Իսրայելի, Կիպրոսի եւ Մալթայի հավաքականները:
Մարզիկները մեկ ամսից ավելի է, ինչ մարզվում են: Ստուգողական հանդիպումներ են ունեցել Հայաստանի երիտասարդական հավաքականի հետ, որը պատրաստվում է Սերբիայում տեղի ունենալիք Եվրոպայի ընտրական մրցախաղին:
«Հավաքականը 80 տոկոսով պատրաստ է մրցախաղին: Մեզ են միանալու մեր 4 հայրենակից մարզուհիները Ֆրանսիայից: Կարեւորն այն է, որ մեր մարզիկները շատ երիտասարդ են` 17-26 տարեկան», - ասել է հավաքականի մարզիչ Աստղիկ Գյուրջինյանը:
2006 թ. մեր հավաքականն այս մրցախաղում գրավել է 3-րդ տեղը: Այն ժամանակ մրցախաղը տեղի էր ունենում Բոսնիայում: