ԵԿԳ-ի շնորհիվ Տավուշի բազմաթիվ լքված հողերում կրկին սկսել են խաղող աճեցնել

PanARMENIAN.Net - Հայաստանի Տավուշի մարզի խաղողագործների կողմից իրագործված 6000տ խաղողից 3000-ը գնվել է Երեւանի կոնյակի գործարանի (ԵԿԳ) կողմից, Բերդ քաղաքում կայացած մամլո ասուլիսի ժամանակ հայտնել է Տավուշի մարզպետ Արմեն Գուլարյանը: Դրա հետ մեկտեղ 1 կգ-ի արժեքը կազմել է 120 դրամ, որը բարձր է մնացած ընդունող գործարանների գնման արժեքից: Մարզպետը շնորհակալություն է հայտնել գործարանին եւ նշել, որ շատ լքված հողեր կրկին սկսել են մշակվել խաղողի հնարավոր իրագործման շնորհիվ:

Այս մարզի գլխավոր նպատակն այս տարի ԵԿԳ գործադիր տնօրեն Արա Գրիգորյանը համարում է խաղողի անցյալ տարվա ծավալների եւ ընդունման գնի պահպանումը: Բացի դրանից, ԵԿԳ-ն անհատական մոտեցում ունի Տավուշի մարզի նկատմամբ, եւ ընկերությունը կանի հնարավոր ամեն ինչ, որպեսզի իրագործի խաղողի ողջ բերքը:

ԵԿԳ-ը խաղողագործների հետ համագործակցությունն իրականացնում է պայմանագրային հիմունքներով, ֆերմերիների հետ աշխատանքներ տանելով ամբողջ տարվա ընթացքում, տրամադրում է նրանց անվճար մասնագիտական խորհրդրատվություններ եւ ապահովում է բարձորակ պարատանյութերով նրանց համար շահավետ պայմաններում: Նման միջոցառումները թույլ են տալիս շարունակաբար վերահսկել խաղողի որակը մինչեւ գնումը:

ԵԿԳ-ը համագործակցում է ավելի քան 5000 խաղողագործների հետ, միայն Տավուշի մարզում ընկերությունը պայմանագրեր ունի նրանցից 1300-ի հետ:

Երեւանի կոնյակի գործարանը հիմնվել է 1887-ին վաճառական Ներսես Թաիրյանցի (Թաիրով) կողմից: 1998-ին ԵԿԳ-ն մասնավորեցվել է եւ մտել «Pernod Ricard» միջազգային խմբի մեջ: Գործարքի արժեքը 30 մլն դոլար է: ԵԿԳ նախաձեռնությամբ 1999-ին ներմուծվել է Հայաստանի Հանրապետության նոր չափորոշիչ «Հայկական կոնյակը», որը հստակ կանոնակարգում է այդ խմիչքի արտադրությունը: