Էրդողանի խոսքերից միջնադարի ու հաշվեհարդարի հոտ է գալիս18 մարտի 2010 - 16:13 AMT PanARMENIAN.Net - «Թուրքիայում ապրում է 170 հազարհայ, որոնցից 100 հազարն անօրինական են եւԹուրքիայիքաղաքացիներ չեն: Վաղը, եթեպետք լինի, կարտաքսենք նրանցմերերկրից:Թուրքիայում բնակվող հարյուր հազար ապօրինի հայաստանցիների մասին պնդումներն անհիմն են: Այսօր առավելագույնը կարելի է խոսել Թուրքիայում բնակվող 12-14 հազար հայաստանցիների մասին, որոնցից մի զգալի մասն օրինական է այդ երկրում: Սակայն հիմա խոսքը նրանց մասին չէ, այլ Թուրքիայի նրանց նկատմամբ վերաբերմունքի եւ, հատկապես, աշխարհի արձագանքի: Ավելի ճիշտ, այդ արձանգանքի բացակայության մասին:Երբ Նիդերլանդների Ազատության կուսակցության ղեկավար, ընդամենը կուսակցության ղեկավար եւ պատգամավոր, Գիիրդ Ուիլդրսը, հայտարարեց, որ պետք է երկրից արտաքսել բոլոր անօրինական ներգաղթյալներին, աշխարհը ծառս եղավ. ինչպե՞ս կարելի է, ու՞ր մնացին մարդու իրավունքները: Միանգամայն ճիշտ արձագանք: Իսկ ինչո՞ւ է այսօր աշխարհն անարձագանք թողնում Թուրքիայի գործադիր իշխանության ղեկավարի, վարչապետ Էրթողանի նույնաբնույթ հայտարարությունը հայերի դեմ: Ի՞նչ է, վախենում եք Թուրքիայի դեմ խոսել: Իսկ ու՞ր մնացին ձեր սկզբունքներն ու մարդու իրավունքները: Ներկայումս Միացյալ Նահանգներում ապրում է 10-12 միլիոն անօրինական ներգաղթյալ լատինամերիկյան երկրներից: Սրանք ոչ միայն անօրինական են գտնվում այդ երկրում, այլ- մեծ մասամբ անօրինական են մուտք գործել Ամերիկա: Այսուհանդերձ, ի տարբերություն Թուրքիայում բնակվող հայաստանցիների, նրանց երեխաներն իրավունք ունեն դպրոց հաճախել եւ նրանք պետության կողմից ստանում են զգալի սոցիալական աջակցություն: Եվրոպայի միության երկրներում, ուր այդքան ջանասիրաբար ձգտում է Թուրքիան, անօրինական ներգաղթյալների թիվը 8-10 միլիոն է: Նրանց մեջ կան մի քանի հարյուր հազար գաղթական Թուրքիայից: Սրանց մի մասը, ի տարբերություն Թուրքիայում բնակվող հայաստանցիների, ապրում է տեղացի հարկատուների հաշվին: Զանազան տվյալներով այսօր ԱՄՆ-ում ապրում է 1.5-3 միլիոն արաբ` ծագումով կամ քաղաքացիությամբ: Տվյալներն անհստակ են ու էապես տարբեր, քանի որ նրանց մի զգալի մասն անօրնական է գտնվում այդ երկրում: Երբ 2001թ. սեպտեմբերի 11-ին Միացյալ Նահանգները ռազմական հարձակման ենթարկվեցին արաբների կողմից, ամերիկյան որեւէ պաշտոնյա չխոսեց ԱՄՆ-ում անօրինական բնակվող արաբներին արտաքսելու մասին: Ամերիկյան հասարակությունը գալարվում էր ցավի, վիրավորանքի ու վրդովմունքի ճիրաններում, սակայն որեւէ մեկի մտքով իսկ չանցավ հարձակումը կազմակերպած ու իրականացրած արաբների պատճառով վտարել երկրում անօրինական բնակվող արաբներին: Հիմա պատկերացնենք աշխարհի արձագանքը, եթե Բուշը հանկարծ որոշեր, ի պատասխան իր երկրի վրա հարձակման, ԱՄՆ-ից արտաքսել անօրինական ամերիկաբնակ արաբներին: Վստահաբար ողջ առաջադեմ մարդկությունը կմիանար հակաամերիկյան ցույցերի, բողոքների ու ճառերի մեջ: Եվ ճիշտ էլ կաներ: Ամեն մեկը պատասխանատու է իր արարքի համար: Խմբակային պատիժների ժամանակներն անցել են: Էրդողանի սպառնալիքի անհեթեթությունը պատկերացնելու համար եկեք քննեեք մեր իրավիճակը: Հայաստանը չի հարձակվել Թուրքիայի վրա: Հայերը օդանավ չեն քշել Կապույտ մզկիթի կամ Աթաթուրքի դամբարանի վրա: Հայերը երեքուկես հազար թուրք չեն սպանել Ստամբուլի կենտրոնում, ինչպես ոմանք Նյու-Յորքի կենտրոնում: Պարզապես ԱՄՆ-ի եւ Շվեդիայի մի խումբ քաղաքացիներ, որոնց մեծ մասը տվյալ դեպքում ծագումով հայ է, օրինական եւ քաղաքակիրթ ճանապարհով հասել է նրան, որ ԱՄՆ եւ Շվեդիայի խորհրդարանները տարբեր մակարդակներով բանաձեւեր են ընդունել: Ես չեմ էլ անդրադառնում անգամ այդ բանաձեւերի բովանդակությանը եւ բնույթին: Դրանք տվյալ դեպքում էական էլ չեն: Կարեւորը Թուրքիայի արձագանքն է եւ այդ արձագանքը դատապարտող եվրոպական եւ ամերիկայան արձագանքի բացակայությունը: Հայաստանը, ցավոք սրտի, որեւէ մասնակցություն չի էլ ունեցել այդ բանաձեւերի ընդունման գործում, սակայն Թուրքիան ատամներ է կռճտացնում Հայաստանի դեմ: Եթե թուրքերը վերոհիշյալ բանաձեւերից նեղված են, թեեւ անմտություն է նեղվել ճշմարտության վերահաստատումից, թող Թուրքիայից արտաքսեն ամերիկացիներին եւ շվեդներին: Ի՞նչ է, ատամը չի բռնում, թե միայն մեր դեմ հոխորտալ գիտեն: Եվ այս մտածողությամբ թուրքերն ուզում են Եվրոմիություն մտնե՞լ, ուզում են գերմանացիների հետ նույն տան մեջ ապրե՞լ: Էրդողանի խոսքերից միջնադարի ու հաշվեհարդարի հոտ է գալիս: Ասում էինք չէ` Թուրքիան չի փոխվել»,- հայտարարել է Մոդուս վիվենդի կենտրոնի նախագահ Արա Պապյանը: Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Մայիսի 18–ին «Թանգարանների գիշերվա» առթիվ թանգարանները բաց կլինեն մինչև կեսգիշեր Ակցիային միացել է հայաստանյան 118 թանգարան Մխիթարյանը բարձրաձայնել է Բաքվի բանտում պահվող Արցախի ռազմաքաղաքական ղեկավարության կալանքը երկարացնելու մասին Մխիթարյանը նախկինում ևս անդրադարձել է այդ հարցին ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել |