ՀԱՊԿ-ն եւ ՄԱԿ-ը համագործակցության մասին հռչակագիր ստորագրեցին18 մարտի 2010 - 18:13 AMT PanARMENIAN.Net - Մարտի 18-ին ՄԱԿ եւ ՀԱՊԿ գլխավոր քարտուղարներ Պան Գի Մունն ու Նիկոլայ Բորդյուժան Մոսկվայում երկու կազմակերպությունների միջեւ համագործակցության մասին հռչակագիր ստորագրեցին: Քարտուղարությունների միջեւ համագործակցության մասին ստորագրված Հռչակագրի համաձայն Կազմակերպությունները մտադիր են զարգացնել գործընկերությունը հակամարտությունների կանխման եւ կարգավորման, ահաբեկչության դեմ պայքարի եւ այլ հարցերում միջազգային հանրության առջեւ առկա սպառնալիքների ոլորտում, ասվում է Հռչակագրի տեքստում: Հռչակագրում ասվում է, որ երկու Կազմակերպությունների համագործակցության հիմնական նպատակը զգալի ավանդի ներդրումն է միջազգային հանրության առջեւ ծառացող մարտահրավերների լուծման ու սպառնալիքների վերացման գործում: «Այդ համագործակցությունը կարող էր այնպիսի ոլորտներ ընդգրկել, ինչպիսիք են հակամարտությունների կանխումն ու կարգավորումը, ահաբեկչության, միջազգային հանցավորության, զենքի ապօրինի վաճառքի դեմ պայքարն ու արտակարգ իրավիճակների կանխումն ու դրանց հանդեպ արձագանքը»,- նշվում է համատեղ Հռչակագրում: Կազմակերպությունները (Հռչակագրի համաձայն) պայմանավորվեցին նաեւ ըստ անհրաժեշտության զարգացնել համագործակցությունը հաղորդակցության եւ տեղեկատվության փոխանակման ոլորտում: Պան Գի Մունն ու Նիկոլայ Բորդյուժան պայմանավորվեցին, որ ՄԱԿ եւ ՀԱՊԿ քարտուղարությունների միջեւ համագործակցության շրջանակները կարող են ժամանակի ընթացքում փոխվել` հաշվի առնելով նոր պահանջները, հաղորդում է ՌԻԱ Նովոստին: ՀԱՊԿ Հավաքական անվտանգության պայմանագրի կազմակերպությունը (ՀԱՊԿ) ռազմաքաղաքական դաշինք է, որը ստեղծել են ԱՊՀ պետությունները Հավաքական անվտանգության մասին պայմանագրի հիման վրա, որը ստորագրվել է 1992թ. մայիսի 15-ին: Պայմանագիրը մեխանիկորեն երկարացվում է յուրաքանչյուր հինգ տարին մեկ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |