Հայկական համայնքը ձեռնամուխ է եղել Թեոդոսիայի սբ.Գեւորգ եկեղեցու փրկմանը

PanARMENIAN.Net - Հայկական միջնադարյան Սուրբ Գեւորգ եկեղեցու վերանորոգումը, որը ճարտարապետական հուշարձան է, իրականացնելու է Թեոդոսիայի հայկական համայնքը: Ներկա պահին շարունակվում է շենքի փաստաթղթերի ձեւակերպումը, որը սկսվել էր կես տարի առաջ, որի ավարտից հետո կարելի կլինի խոսել վերականգնողական աշխատանքների մեկնարկի մասին, գրում է Analitika.at.ru-ն:



«Առաջին հերթին նախատեսվում է անկացնել մաքրման աշխատանքներ եւ վերանորոգել ճակատային մասը: Հետագայում անհրաժեշտ է իրականացնել համալիր աշխատանքներ եկեղեցու ներսում. կանգնեցնել սյուներ եւ ժամանակավոր ծածկ կառուցել ամբողջ շինության վրա»,- ասել է Թեոդոսիայի հայկական համայնքի ղեկավար Հարություն Ամիրխանյանը:



Նրա խոսքերով, այսօր տաճարը գտնվում է ողբալի վիճակում. այն լքված է, նրա տարածքում ավտոտնակներ են գտնվում: 2006-ին հայկական համայնքն արդեն հայտնել էր տաճարի վերականգնման ցանկության մասին, բայց այդ ժամանակ մաքրումից բացի ոչինչ չի արվել, քանի որ որոշել է, որ տաճարը ցանկապատելու հնարավորությունից առաջ վերականգնողական աշխատանքներ անցկացնելն իմաստ չունի:



«Համայնքը պատրաստվում է իր տնօրինության տակ վերցնել Թեոդոսիայի հողերը, որոնց վրա գտնվում են սբ.Միքայելի եւ Գեւորգի տաճարը եւ Այվազովսկու գերեզմանը»,- ասել է Ամիրխանյանը: