Երեւանում մեկնարկել է Բրիտանական ֆիլմերի քառօրյա փառատոնը22 մարտի 2010 - 18:25 AMT PanARMENIAN.Net - Երեւանում կայացել է բրիտանական ֆիլմերի 8-րդ փառատոնի հանդիսավոր բացման արարողությունը, որը կազմակերպել է Հայաստանում Բրիտանական խորհուրդը (ԲԽ):«Ինձ պատիվ է վիճակվել բացել բրիտանական ֆիլմերի 8-րդ փառատոնը, որը Մեծ Բրիտանիայի պատմությունը եւ մշակույթը ցույց տալու յուրահատուկ առիթ է: Այս միջոցառման նպատակն է հայ հանդիսատեսին ներկայացնել հայտնի բրիտանական ֆիլմերը»,- ասել է ԲԽ երեւանյան գրասենյակի ղեկավար Արեւիկ Սարիբեկյանն իր ողջույնի խոսքում, հաղորդել է PanARMENIAN.Net ի թղթակիցը «Մոսկվա» կինոթատրոնից, որտեղ տեղի է ունեցել «Դքսուհի» ֆիլմի ցուցադրումը: «Արյունոտ կիրակի» ֆիլմի համապրոդյուսեր, համանուն գրքի հեղինակ, որի հիման վրա էլ նկարահանվել է աղմուկ հանած ֆիլմը, Դան Մալլանն իր հերթին ասաց. «Շատ ուրախ եմ այս հնագույն երկրում գտնվելու համար եւ ինձ շատ հաճելի է, որ այսքան մարդ է հավաքվել: Կարծում եմ ֆիլմը ոգով մոտ է հայերին` հաշվի առնելով նրանց ապրած Ցեղասպանությունը»: «Արունոտ կիրակի» ֆիլմը պատմում է իռլանդացիների ճակատագրի մասին, որոնք չեն ցանկանում մոռանալ 1972-ի հունվարի 30-ի ողբերգական դեպքերը: Այդ ժամանակ բրիտանական զինվորները սպանել են 13 անզեն քաղաքացիների, որոնք Հյուսիսային Իռլանդիայի Դերրի քաղաքում մասնակցում էին քաղաքացիական իրավունքի պաշտպանության երթի: Բիտանական ֆիլմերի 8-րդ փառատոնը տեւելու է մինչեւ մարտի 26-ը: Կինոսիրահարները կարող են դիտել բրիտանական արտադրության 6 ֆիլմեր, որոնք արժանացել են տարբեր միջազգային պատվավոր մրցանակների: «Արյունոտ կիրակի» ֆիլմի դիտումից հետո ֆիլմի համապրոդյուսեր Դան Մալլանի հետ քննարկում է տեղի ունենալու: Փառատոնի օրերին «Արձագանք. ֆիլմեր Հյուսիային Իռլանդիայից» ծրագրի շրջանակներում Վանաձորում մարտի 24-25-ը կազմակերպվելու են ֆիլմերի ցուցադրումներ եւ քննարկումներ: Ֆիլմերի սեանսները ժամը 18:00-ին տեղի են ունենալու անգելերն լեզվով, իսկ 20:00-ին` հայերեն կամ ռուսերեն տիտրերով: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |