Մեծ Բրիտանիայի խորհրդարանի Լորդերի պալատը մարտի 29-ին քննարկելու է Հայոց ցեղասպանության մասին օրինագիծը24 մարտի 2010 - 12:26 AMT PanARMENIAN.Net - Մարտի 29-ին Մեծ Բրիտանիայի խորհրդարանի Լորդերի պալատում տեղի է ունենալու Հայոց ցեղասպանության մասին օրինագծի քննարկումը: Ինչպես ասվում է Armenia Solidarity կազմակերպության կողմից PanARMENIAN.Net ին ուղարկված հայտարարության մեջ, բրիտանական բոլոր խորհրդարանականներին բաժանվելու են թերթիկներ, որոնք դատապարտում են Մեծ Բրիտանիայի արդարադատության նախարար Ջեկ Ստրոյի հայտարարությունը Հայոց ցեղասպանության մասին եւ կոչ են անում Լորդերի պալատին մասնակցել քննարկմանը:Ավելի վաղ, Թուրքիայի վարչապետ Ռեջեփ Թայիփ Էրդողանի Լոնդոն կատարած այցի ժամանակ Ջեկ Ստրոն խոստացել էր Անկարային, որ Մեծ Բրիտանիան չի ընդունի Հայոց ցեղասպանության մասին օրինագիծը: «Ես կարող եմ բոլորին հավաստիացնել, որ օրինագծի ընդունման շանսերը հավասար են զրոյի»,- ասել էր Ստրոն: Նրա խոսքերով, ոչ Մեծ Բրիտանիայի կառավարությունը, ոչ ընդդիմությունը չեն պաշտպանում այդ օրինագիծը: «Հավանաբար նախարար Ստրոն պատրաստ է անտեսել թագավորական փաստաբան Ջեֆրի Ռոբերտսոնի իրավաբանական եզրահանգումը Հայոց ցեղասպանության մասին, ինչպես նաեւ ցեղասպանություններն ուսումնասիրող գիտնականների Միջազգային ասոցիացիայի (IAGL) դիրքորոշումը: Մենք կոչ ենք անում խորհրդարանականներին ճնշում գործադրել Մեծ Բրիտանիայի վարչապետի հանդեպ, որպեսզի նա նկատողություն անի Ջեկ Ստրոյին Հայկական հոլոքոսթի ժխտման համար: Մենք իհարկե հասկանում ենք, որ նախարարի այդ քայլը պայմանավորված է Մեծ Բրիտանիայում թուրքական դեսպանատան եւ երկրի խորհրդարանում իսրայելական լոբբիի ճնշմամբ»,- ասվում է Armenia Solidarity-ի հայտարարությունում: Մարտի 4-ին ԱՄՆ Ներկայացուցիչների պալատի արտաքին գործերի հանձնաժողովը «23» կողմ եւ «22» դեմ ձայներով ընդունել է Հայոց ցեղասպանության մասին 252 բանաձեւը: Պրոֆիլային հանձնաժողովի քվեարկությունից հետո բանաձեւն ուղարկվել է Ներկայացուցիչների պալատ: Հայոց ցեղասպանությունը, իրագործվել է Օսմանյան կայսրությունում 1915-1923թթ.: Այն XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` շուրջ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ժամանակակից Թուրքիան ժխտում է Հայոց ցեղասպանության պատմական փաստը եւ վարում է այդ փաստի ժխտման ներքին ու արտաքին քաղաքականություն: Հայոց ցեղասպանության ճանաչման անհրաժեշտության մասին խոսում են միայն առանձին թուրք մտավորականներ, որոնց թվում են պատմաբան Թաներ Աքչամն ու Նոբելյան մրցանակի դափնեկիր Օրհան Փամուքը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |