Հայաստանում կգործեն ԵՄ տեղեկատվական կենտրոններ26 մարտի 2010 - 16:03 AMT PanARMENIAN.Net - Համաձայն Հայաստան-ԵՄ քաղաքական համագործակցության ծրագրի, միջգերատեսչական աշխատանքային խումբը մշակել է ԵՄ տեղեկատվական ռազմավարություն, որի իրականացման արդյունքում Հայաստանում նախատեսվում է ստեղծել ԵՄ տեղեկատվական կենտրոններ: Ազգային անվտանգության խորհրդի քարտուղար, Եվրամիության հետ Հայաստանի համագործակցությունը համակարգող միջգերատեսչական հանձնաժողովի նախագահ Արթուր Բաղդասարյանը եւ ԵՄ անդամ երկրների դեսպանները մարտի 26-ին քննարկել են այդ կենտրոնների ստեղծման նախագիծը:Ա. Բաղդասարյանը նշել է, որ ԵՄ տեղեկատվական կենտրոնների ստեղծմամբ Հայաստանը լուրջ քայլ է կատարում, քանի որ Հայաստանն առաջին երկիրն է տարածաշրջանում, որ կունենա նման կենտրոններ. «Այս կենտրոններն ունեն բացառիկ կարեւոր առաքելություն: Մենք եվրոպացի փորձագետների հետ ուսումնասիրել ենք աշխարհում գործող կենտրոնների լավագույն փորձը եւ ծրագրել, թե ինչպես է կազմակերպվելու եվրոպական կենտրոնների գործունեությունը Հայաստանում»: Հայաստանում նախատեսվումէունենալ 10 կենտրոն, մեկական` յուրաքանչյուրմարզում, եւ մեկը` մայրաքաղաքում: Կենտրոնների ստեղծման նպատակը տեղեկատվության տրամադրումն է փորձագետներին եւ լայն հանրությանը: Կենտրոններում պարբերաբար կիրականացվեն հանրության համար բաց եւ մատչելի տեղեկատվության տրամադրում, հրատարակությունների բաժանում, դասախոսություններ, սեմինարներ, հանդիպումներ, եվրոպական դասընթացներ, տեղեկատվական ցուցանակների ներկայացումներ, քարոզչական աշխատանքներ, թերթերի համար ներդիրների պատրաստումներ եւ այլն: «Մենք ուզում ենք այս ծրագրում լայնորեն ներգրավել բուհական հատվածին, որովհետեւ փորձի ուսումնասիրությունը ցույց է տալիս, որ աշխարհի տարբեր երկրներում գործող 600 կենտրոնները սերտորեն կապված են բուհական համակարգի հետ, նաեւ`ուսանողների համար տեղեկատվության ստացման լավ հնարավորություն են: Կենտրոնների ստեղծումը մեծ նշանակություն կունենա նաեւ մեր գործարար հատվածին անհրաժետ խորհրդատվություն մատուցելու առումով, հատկապես` փոքր եւ միջին բիզնեսի ներկայացուցիչներին»,-ասել է Ա. Բաղդասարյանը: Հայաստանում ԵՄ պատվիրակության ղեկավար, դեսպան Ռաուլ դե Լյուցենբերգերը ողջունել է Հայաստանում եվրոպական տեղեկատվական կենտրոնների ստեղծման գաղափարը. «ԵՄ գործունեության եւ կառույցների մասին Հայաստանում տեղեկատվություն տարածելու նկատմամաբ մեծ հետաքրություն կա, եւ դա ողջունելի է», հաղորդում է Ազգային անվտանգության խորհրդի մամլո ծառայությունը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար ՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |