Շիրակ Թորոսյան. Սամցխե-Ջավախեթում չի հաջողվի կրկնել Նախիջեւանի հայերի պատմությունը17 մարտի 2010 - 13:46 AMT PanARMENIAN.Net - Սամցխե-Ջավախեթի շրջանում հայ ակտիվիստների հետապնդումը նոր թափ է ստանում: Երեւանում մամլո ասուլիսի ժամանակ «Ջավախք» հայրենակցական միության նախագահ, ՀՀ ԱԺ պատգամավոր Շիրակ Թորոսյանը հայտարարեց, որ դա կապված է շրջանում կայանալիք տեղական ինքնակառավարման մարմինների ընտրություններով: Նրա խոսքերով, հայ ակտիվիստներին հարցաքննության են ենթարկում շրջանային ոստիկանության բաժանմունքում առանց որեւէ պատճառի: «Վրացական իշխանությունները շարունակում են խտրականություն կիրառել Սամցխե-Ջավախեթի հայ բնակչության նկատմամբ: Նրանք օգտագործում են Հայաստանի հաղորդակացական կախվածությունը եւ ուժեղացնում ճնշումը երկրի հայ բնակչության վրա: Հայաստանի եւ Վրաստանի միջեւ եղբայրական հարաբերությունների մասին հայտարարությունները ձեւական բնույթ են կրում, քանի որ Վրաստանի իշխանությունները տրամադրված են երկրի հայկական փոքրամասնության դեմ»,- ասել է Թորոսյանը: Նրա խոսքերով, «ջայլամի քաղաքականությունը» պաշտոնական Երեւանին եւ Թբիլիսիին հանգեցրել են նրան, որ Ջավախքի հայերն արդեն ինքնավարության գաղափար չեն առաջադրում: «Ջավախքի հայերի խնդիրը ինչ-որ ժամանակ կպայթի: Բայց մենք թույլ չենք տա, որպեսզի Ջավախքն արժանանա Նախիջեւանի ճակատագրին, որտեղ չի մնացել ոչ մի հայ»,- ասել է Շիրակ Թորոսյանը: Նա հատուկ ընդգծեց, որ այդ տարածաշրջանի հայ բնակչության վիճակը համահայկական խնդիր է եւ հենց այդ պատճառով Ջավախքի հայերի իրավունքների պաշտպանության նորաստեղծ Համակորգող խորհուրդը կենտորնացրել է իր ուշադրությունը սփյուռքի հայկական կազմակերպությունների եւ Հայաստանում միջազգային կազմակերպությունների ներկայացուցիչների հետ աշխատանքին: «Խորհուրդը նոր ձեւ է մշակել Ջավախքի հայերի իրավունքների պաշտպանության ռազմավարությունում, եւ այժմ մենք ակտիվ կերպով համագործակցելու ենք աշխարհի հայկական կազմակերպությունների հետ, որոնք լոբբիացնելու են Ջավախքի հայերի շահերը»,- ասել է ՀՀ ԱԺ պատգամավորը: Գնահատելով ԱՄՆ Պետդեպարտամենտի` մարդու իրավունքների զեկույցը, Թորոսյանը հայտարարեց, որ Վրաստանում մարդու իրավունքների հարցի վերաբերյալ զեկույցում շատ սխալներ կան: Բացի դրանից, պատգամավորի խոսքերով, զեկույցում պետդեպարտամենտը սահմանափակվել է միայն Ջավախքի հայ ակտիվիստ Վահագն Չախալյանի ձերբակալմամբ: Մեկանաբանելով «Վերին Լարս» ՀԱԿ բացումը` նա նշեց, որ դրա աշխատանքների վերականգնումը ձեռնտու է առաջին հերթին Վրաստանի համար, քանի որ դա մեկնարկ է հանդիսացել ռուս-վրացական հարաբերությունների կարգավորման համար: Ջավախք Ջավախքն հնուց ի վեր բնակեցված է եղել հայերով, ինչի մասին վկայում են ինչպես հայկական, այնպես էլ վրացական, արաբական, թուրքական եւ այլ աղբյուրները: Ըստ վրաց Լեոնտի Մրովելիի աղբյուրի, IV դարի սկզբում Ջավախքի բնակչության խոսակցական լեզուն հայերենն էր: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի Քննարկվել են նաև տարածաշրջանային անվտանգությանն առնչվող հարցեր Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին |