Թուրքիայի նախարարների խորհուրդը որոշում է ընդունել ԱՄՆ-ում Թուրքիայի դեսպան Նամիկ Թանին վերադարձնելու, ինչպես նաեւ միջուկային անվտանգության գլոբալ գագաթնաժողովին ԱԳՆ ղեկավար Ահմեդ Դավուդօղլուի մասնակցության մասին: Թուրքիայի վարչապետի մասնակցության հարցը գագաթնաժողովին դեռ որոշված չէ:
Hurriyet թերթի կարծիքով, Թուրքիայի դիրքորոշումը դեսպանին վերադարձնելու եւ գագաթնաժողովին մասնակցելուց հրաժարվելու դեպքում կդիտարկվի որպես բողոք, եւ Հայաստանին հաղթաթուղթ կտրվի:
Պարբերականը նշում է նաեւ, որ Քլինթոնը վստահեցրել է, որ Հայոց ցեղասպանության մասին բանաձեւը չի ընդգրկվի Ներկայացուցիչների պալատի ընդլայնված նիստում, իսկ ապրիլի 24-ին Օբաման չի արտասանի «ցեղասպանություն» բառը:
Թուրքիայի վարչապետն ապրիլի 2-ին որոշում կընդունի` մեկնել Վաշինգտոն, թե ոչ: «Մենք հիմա քննարկում ենք այդ հարցը: Եթե որոշում ընդունվի, որ ես չեմ մեկնելու, ապա ես անպայման կուղարկեմ Նամիկ Թանին»,- ասել է Էրդողանը:
