Դուբայում շարունակվում է շախմատի 12-րդ միջազգային բաց մրցաշարը, որին մասնակցում են 150 շախմատիստներ 32 երկրներից:

7-րդ տուրում հաղթանակ են տարել Գաբրիել Սարգսյանն ու Հրանտ Մելքումյանը: Տիգրան Քոթանջյանն ու Տիգրան Պետրոսյանը ոչ ոքի խաղացին, իսկ միակ պարտությունը կրեց Գևորգ Հարությունյանը:

7-րդ տուրից հետո Տիգրան Քոթանջյանը, Գաբրիել Սարգսյանը և Հրանտ Մելքումյանը 5-ական միավոր են հավաքել և զբաղեցնում են համապատասխանաբար 10-րդ, 13-րդ և 14-րդ տեղերը: Նրանք առաջատարներին զիջում են մեկ միավորով:

Մրցաշարի մրցանակային ֆոնդը կազմում է 45 հազ. դոլար, հաղթողը կստանա 8 հազար: Մրցաշարը կավարտվի ապրիլի 13-ին: