Ալիկ Սարգսյան. Ղրղզստանի իրադարձություններն անընդունելի են Հայաստանի համար14 ապրիլի 2010 - 16:15 AMT PanARMENIAN.Net - Ղրղզստանի իրադարձություններն անընդունելի են Հայաստանի համար, քանի որ մեզ համար ընդունելի չէ, որ ինչ-որ ուժեր չճանաչեն ընտրված նախագահին: Այդ մասին Երևանում կայացած մամլո ասուլիսում հայտարարել է ՀՀ ոստիկանության պետ Ալիկ Սարգսյանը: Ըստ նրա, ապրիլյան իրադարձություններն այսպես կոչված “գունավոր հեղափոխությունների” և “մեծ քաղաքականության” շարունակությունն են: “Նման իրադարձություններ Հայաստանում լինել չեն կարող: Մենք չունենք նման բողոքավոր զանգված, որը կարող է դիմել թալանի, սպանությունների և այլն: Ի տարբերություն Ղրղզստանի, ՀՀ ոստիկանությունը վերահսկում է իրավիճակը երկրում: “Եթե ինչ-որ մեկի մոտ հեղաշրջման մասին միտք առաջանա, մենք կկասեցնենք այն սաղմնային վիճակում”,-ասել է Սարգսյանը: Նա ընդգծել է, որ այսպես կոչված “գունավոր հեղափոխությունները” միշտ սկսվում են հասարակական կարգի կոպիտ խախտումից: “Ոստիկանության հիմնական գործառույթը հասարակական կարգի պաշտպանությունն է և պետության կայուն վիճակի պահպանումը: Մենք թույլ չենք տա, որ Հայաստանում “գունավոր հեղափոխություն” լինի, քանի որ դա ոչ թե ժողովրդավարության դրսևորում է, այլ անարխիա: Մեր ոստիկանությունը պաշտպանում է ժողովրդին, ոչ թե իշխանություններին: Այսօր ընդդիմությունն այն ուժը չունի, որ հեղափոխություն անի ապակայունացման միջոցով: Միևնույն ժամանակ ես ողջունում եմ ընդդիմության պայքարի քաղաքակիրթ մեթոդները”,-ասել է ոստիկանության պետը: Ապրիլի 6-ին Ղրղզստանում սկսվեցին զանգվածային անկարգություններ, որոնք տևեցին մի քանի օր: Շուրջ 80 մարդ զոհվեց, 1500-ը վիրավորվեցին: Նախագահ Կուրմանբեկ Բակիևը, որն իշխանության էր եկել 2005թ. “կակաչների հեղափոխության” արդյունքում, ստիպված եղավ լքել Բիշքեկը, իսկ ընդդիմությունը ժամանակավոր կառավարություն ձևավորեց, որը կաշխատի 6 ամիս` մինչ Սահմանադրության փոփոխումը: Բակիևը մտադիր չէ հրաժարական տալ: Նոր իշխանությունները նրան վերջնագիր են ներկայացրել` կամ նա երեքշաբթի կվերադառնա Բիշքեկ, կամ նրան կձերբակալեն, հաղորդում է ՌԻԱ Նովոստի գործակալությունը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |