“Յունիբանկի” ֆիզիկական անձանց ժամկետային ավանդների ծավալն այս տարվա մարտի 31-ի դրությամբ կազմել է 45,6 մլրդ դրամ` նախորդ տարվա նույն ժամանակահատվածի համեմատ աճելով ավելի քան 26 տոկոսով, հաղորդում է բանկի մամլո ծառայությունը: Իրավաբանական անձանց ժամկետային ավանդները կազմել են 10,2 մլրդ դրամ, աճը նախորդ տարվա համապատասխան ցուցանիշի համեմատ` 27,5տոկոս: “Յունիբանկի” ցպահանջ ավանդների ծավալը 2010թ.-ի առաջին եռամսյակի վերջին կազմել են 9,2 մլրդ դրամ: Ընդ որում, ֆիզիկական անձանց ցպահանջ ավանդները նախորդ տարվա նույն ժամանակահատվածի համեմատ աճել են գրեթե կրկնակի անգամ:

“Չորս տարի անընդմեջ, ներառյալ 2009թ.-ը, “Յունիբանկը” ֆիզիկական անձանց ժամկետային ավանդների ծավալով առաջատար դիրք է զբաղեցրել հայաստանյան բանկային համակարգում: Ժամկետային ավանդների ակտիվ աճը պայմանավորված է ավանդատուների կողմից վստահության շարունակական աճով, ինչպես նաեւ բանկի ավանդների գրավիչ պայմաններով, որոնք հաշվարկված են ելնելով հաճախորդների տարբեր խմբերի պահանջներից”,- ասվում է հաղորդագրության մեջ: