ՀՀ փոխվարչապետն ընդունել է ֆրանսիական աուդիտորների ազգային ասոցիացիայի պատվիրակությանը30 ապրիլի 2010 - 16:30 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանն ապրիլի 29-ին ընդունել է ճանաչողական այցով Հայաստանում գտնվող Ֆրանսիայի անվտանգության բարձրագույն ուսումնասիրությունների ազգային ինստիտուտի և Ֆրանսիայի աուդիտորների ազգային ասոցիացիայի դասընթացների մասնակիցների պատվիրակությանը: Ֆրանսիական պատվիրակության կազմում էին պաշտոնյաներ, քաղաքապետներ, ոստիկանության և պաշտպանության ոլորտների բարձրաստիճան սպաներ, լրագրողներ, փաստաբաններ, բժիշկներ: Այս մասին հաղորդում է ՀՀ տարածքային կառավարման նախարարության մամլո ծառայությունը: Ա. Գևորգյանը ողջունեց հյուրերին Հայաստան այցի կապակցությամբ և նշեց այն ջերմ բարեկամական հարաբերությունների մասին, որոնք գոյություն ունեն երկու պետությունների և ժողովուրդների միջև: Հյուրերի խնդրանքով փոխվարչապետը տեղեկություններ հաղորդեց Հայաստանի վարչատարածքային կառուցվածքի, տեղական ինքնակառավարման և տարածքային կառավարման համակարգերի մասին: Նա պատասխանեց նաև հյուրերի բազմաթիվ հարցերին, որոնք վերաբերում էին ՏԻ մարմինների լիազորություններին, իրավունքներին ու պարտականություններին, համայնքի ղեկավար մարմինների ընտրության մեխանիզմներին և այլն: Հանդիպման ավարտին Ֆրանսիայի աուդիտորների ազգային ասոցիացիայի նախագահ Քրիստիան Ֆրեմոն Արմեն Գևորգյանին է հանձնել ասոցիացիայի հուշամեդալը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |