Լիբանանահայերը ակտիվ մասնակցություն են ցուցաբերել նախօրեին կայացած Լիբանանի տեղական ինքնակառավարման մարմիններում ընտրությունների առաջին փուլին: Ինչպես PanARMENIAN.Net-ի թղթակցի հետ զրույցում հաղորդեց Բեյրութի «Ազդակ» թերթի գլխավոր խմբագիր Շահան Կանդահարյանը, ընտրությունների առաջին փուլում ՀՅ Դաշնակցություն հայկական կուսակցությունը 46 թեկնածու է առաջադրել, որոնցից 41-ը հաղթանակ են տարել: Եվս երկու թեկնածուներ ընտրություններում առաջադրել էր Սոցիալ-դեմոկրատ Հնչակյան կուսակցությունը, որոնք, քվեարկության արդյունքների համաձայն, նույնպես ընտրվել են տեղական ինքնակառավարման մարմիններում:

«Մայիսի 9-ին ընտրություններ տեղի կունենան Բեյրութում և Անջարում: ՀՅԴ թեկնածուներ ներկայացված են նաև այդ ընտրատարածքներում»,- ասաց Շահան Կանդահարյանը: