ՎիվաՍել-ՄՏՍ դպրոցի ուսումնական երրորդ փուլը կանցկացվի մայիսի 4-6-ին Երևանում 4 մայիսի 2010 - 19:56 AMT PanARMENIAN.Net - Մեկնարկել է Հայաստանի առաջատար բջջային օպերատորի հետ համագործակցող համալսարանների ուսանողների համար կազմակերպված տեղեկատվական տեխնոլոգիաների ոլորտին նվիրված առաջին երկօրյա դասընթացը: ՎիվաՍել-ՄՏՍ-ը` ՄՏՍ ԲԲԸ-ի դուստր ձեռնարկությունը, շարունակում է կրթությունը բիզնեսի արդի պահանջներին մոտեցնելուն ուղղված ծրագրերը: Այս մասին PanARMENIAN.Net ի թղթակցին հաղորդել են ՎիվաՍել-ՄՏՍ-ի մամլո ծառայությունից: ՎիվաՍել-ՄՏՍ դպրոցի ուսումնական երրորդ փուլի ծրագրով մայիսի 4-6-ը նախատեսվում է ընկերության հետ համագործակցող համալսարանների ուսանողներին գործնական գիտելիքներ տալ տեղեկատվական տեխնոլոգիաների ոլորտում: Այս ուսումնական ծրագրին համահունչ` դասընթացին մասնակցելու համար ընտրված են համապատասխան մասնագիտացմամբ բուհերի ուսանողները: «Տեսական և գործնական գիտելիքների համատեղման հմտությունը ձեր ապագա կարիերայի համար կարող է կարևոր դառնալ: Անհրաժեշտ է մոտ կանգնել իրականությանը, անընդհատ հետևելով, թե ինչպես են գործնականում կիրառվում տեսական գիտելիքները: Որպես պատասխանատու ընկերություն, մենք պարտավոր ենք` կրթական համակարգի հետ ձեռք ձեռքի տված, ցույց տալ ձեզ դրան հասնելու ուղին՚», - նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը: Դասընթացի ժամանակ ուսանողները հնարավորություն կստանան անդրադառնալու այնպիսի հարցերի, ինչպիսիք են բջջային հաղորդակցություն ապահովող ժամանակակից տեխնոլոգիաները և հեռահաղորդակցության ոլորտի վերջին նվաճումները: Ինտերակտիվ դասընթացները վարում են ՎիվաՍել-ՄՏՍ-ի աշխատակիցները: «Նախանշված նպատակներին հասնելու համար պետք է մշտապես հետևել սեփական մասնագիտության ոլորտում կատարվող զարգացումներին: ՏՏ ոլորտում առաջընթաց ապահովելու և նոր խոսք ասելու ձեր հավակնություններն իրականություն կդառնան միայն եթե դուք հավատաք, որ կարող եք հասնել դրան», -հավելել է պարոն Յիրիկյանը: «Վստահ եմ, հայաստանյան մի շարք բուհերի հետ ստորագրված համատեղ հուշագրում ընդգրկված ծրագրերի իրականացումը իրապես կաջակցի ձեր մասնագիտական աճին և զարգացմանը», -եզրափակել է ՎիվաՍել-ՄՏՍ-ի գլխավոր տնօրենը: Դասընթացի ավարտին մասնակիցներին կտրվեն հավաստագրեր: ՎիվաՍել-ՄՏՍ-ի և ութ բուհերի միջև կնքվեց փոխհամաձայնության հուշագիր Ապրիլի վերջին ՎիվաՍել-ՄՏՍ-ը` “ՄՏՍ” ԲԲԸ-ի դուստր ձեռնարկությունը, ընկերության գլխամասային գրասենյակում փոխհամաձայնության հուշագիր ստորագրեց ՎիվաՍել-ՄՏՍ-ի` ի դեմս ընկերության գլխավոր տնօրեն Ռալֆ Յիրիկյանի, և Երևանն ու մարզերը ներկայացնող բարձրագույն ուսումնական ութ հաստատությունների միջև` ի դեմս այդ բուհերի ռեկտորների: Այդ բուհերն են` տնտեսագիտության, վիճակագրության և ինֆորմատիկայի Մոսկվայի պետական համալսարանի երևանյան մասնաճյուղը, Տերնոպոլի պետական տնտեսագիտական համալսարանի երևանյան մասնաճյուղը, «Եվրասիա» միջազգային համալսարանը, Երևանի «Գլաձոր» համալսարանը, Վանաձորի պետական մանկավարժական համալսարանը, «Անանիա Շիրակացի» համալսարանը, տնտեսագիտության և կառավարման համալսարանը և Վարդենիսի Վիկտոր Համբարձումյանի անվան համալսարանը:
Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» Վարչական ղեկավար․ Կիրանցի 3 խոցելի կետի սահմանազատման հարցը սառեցված է «Նույնիսկ իրենց հողից մեզ է անցել, այս պահի դրությամբ՝ լրիվ դրական է»,- նշել է նա |