Մայիսի 4-ին արտգործնախարար Էդվարդ Նալբանդյանն ընդունեց Ֆրանսիայի Վիլորբան քաղաքի պատվիրակությանը` քաղաքապետ Ժան Պոլ Բրետի գլխավորությամբ:
Ողջունելովհյուրերին`նախարար Նալբանդյանըբարձր գնահատեց Ժան Պոլ Բրետի անձնական ներդրումը հայ-ֆրանսիական բարեկամության ամրապնդման և զարգացման գործում` թե’ որպես քաղաքապետ, թե’ որպես նախկին պատգամավոր և Հայաստան-Ֆրանսիա պատգամավորական խմբի նախագահ, որը նաև համահեղինակն էր Ֆրանսիայի Ազգային ժողովում Հայոց ցեղասպանության ճանաչման վերաբերյալ ընդունված օրենքի:
Քաղաքապետ Ժան ՊոլԲրետընշեց, որ ինչպես ողջ Ֆրանսիայում, այնպես էլ Վիլորբանում առանձնահատուկ ջերմությամբ են վերաբերվում Հայաստանին և հայերին, և որ իր այցի հիմնական նպատակն է առավել ընդլայնել հայ-ֆրանսիական համագործակցությունը ու նպաստել երկու երկրների միջև հարաբերությունների առավել զարգացմանը:
Երկուստեք կարևորվեց Հայաստանի և Ֆրանսիայի քաղաքների ու շրջանների միջև ապակենտրոնացված համագործակցությունը, որն արդեն ներառում է երկու կողմից շուրջ 50 քաղաք ու շրջան, հաղորդում է ՀՀ ԱԳՆ մամլո ծառայությունը:
