Թուրքիայի վարչապետ Ռեջեփ Թայփ Էրդողանը հրահանգել է պաշտոնյաներին ու պետական ծառայողներին խուսափել դժվարություններ հարուցելուց Թուրքիայի ազգային փոքրամասնությունների հետ հարաբերություններում:
Էրդողանը հրահանգել է օպերատիվ միջոցներ ձեռնարկել այնպիսի հարցերում, ինչպիսիք են գերեզմանոցների պահպանումն ու պաշտպանությունը, հողային կադաստրի մեջ ի օգուտ փոքրամասնությունների կայացված դատական որոշումների ընդգրկումը և ոչ մահմեդական համայնքների հանդեպ ատելության բորբոքման մասին հրապարակումների հետքերով դատական հայցերի հրատապ քննարկումը:
Հրամանագիրը հրապարակվել է հինգշաբթի օրը «Պաշտոնական լրաբերում»:
Ըստ երկրի սահմանադրության ազգային փոքրամասնություն են համարվում հայերը, հույներն ու հրեաները: