ՀՀ նախագահն այցելել է «Կալենց» թանգարան
Մայիսի 15-ին միջազգային «Թանգարանների գիշերի» շրջանակներում ՀՀ նախագահ Սերժ Սարգսյանն այցելել է վերջերս բացված «Կալենց» թանգարան: Թանգարանի հիմնադիր, «Կալենց» մշակութային հիմնադրամի նախագահ, մեծանուն նկարիչ Հարություն Կալենցի որդի Սարո Կալենցի ուղեկցությամբ նախագահը և մշակույթի նախարար Հասմիկ Պողոսյանը ծանոթացել են թանգարանի ցուցադրության հետ, որի մեջ մտնում են Հարություն Կալենցի և նրա կնոջ` Արմինե Կանլեցի նկարները:
Լրագրողների հետ զրույցում մշակույթի նախարարը նշել է, որ այդ թանգարանը քաղաքի վառ կետն է դարձել: «Սա այն եզակի դեպքն է, եթե չասեմ միակը, երբ ընտանիքը քաղաքին թանգարան է նվիրում: Մեր նկարիչների և մշակույթի գործիչների ժառանգները պետք է օրինակ վերցնեն» ,- ասել է նախարարը:
