ՀՀ փոխվարչապետը ծանոթացավ Կոտայքի մարզում իրականացվող ջրամատակարարման բարելավմանն ուղղված ծրագրերի ընթացքին17 մայիսի 2010 - 11:55 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանն այսօր այցելեց Կոտայքի մարզ, ծանոթացավ մարզում իրականացվող ջրամատակարարման բարելավմանն ուղղված ծրագրերի ընթացքին, հաղորդում է նախարարության մամլո ծառայությունը: ՏԿՆ Ջրային տնտեսության պետական կոմիտեի նախագահ Անդրանիկ Անդրեասյանի և «Հայջրմուղկոյուղի» ՓԲԸ գլխավոր տնօրեն Պատրիկ Լորենի ուղեկցությամբ փոխվարչապետը նախ եղավ Ալափարս համայքնում, որտեղ Համաշխարհային բանկի «Համայնքային ջրամատակարարման և ջրահեռացման» ծրագրի առաջին փուլով արդեն ավարտվել է պոմպակայանի նորոգումը, որի համար հատկացվել է 141 մլն դրամ: Փոխվարչապետը ծանոթացավ նաև «Հայջրմուղկոյուղի» ընկերության ջրաղբյուրների, մասնավորապես` կապտաժային կառույցների վիճակին, որոնցով ապահովվում է Չարենցավանի և հարակից համայքների խմելու ջրի մատակարարումը: Հրազդանի քաղաքապետարանում մարզպետ Կովալենկո Շահգալդյանի և քաղաքապետ Արամ Դանիելյանի մասնակցությամբ կայացած խորհրդակցությանը փոխվարչապետին ներկայացվեց «Համայնքային ջրամատակարարման և ջրահեռացման» ծրագրի երկրորդ փուլով իրականացվող քաղաքի ջրամատակարարման բարելավմանն ուղղված նախագիծը, որով նախատեսվում է քաղաքի ջրամատակարարման ներքին ցանցի վերականգնում. կնորացվի մոտ 125 կմ խողովակաշար ամբողջ քաղաքի տարածքում: Նախատեսվում է, որ աշխատանքերը կմեկնարկեն այս տարվա սեպտեմբերին և կավարտվեն 14 ամսից: Ծրագրի իրականացման համար կհատկացվի 5,8 մլն դոլար: Բացի այդ, Ասիական զարգացման բանկի ծրագրով նախատեսվում է նաև Հրազդանի ջրամատակարարման պոմպակայանի վերանորոգում, որի աշխատանքները կմեկնարկեն շուտով: Այս ծրագրի արժեքը մոտ 1 մլն դոլար է: Ծրագրերի իրականացման արդյունքում կավելանա ջրամատակարարման տևողությունը` հասնելով մինչև 18 ժամի, ինչպես նաև կբարձրանա մատակարարվող ջրի որակը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |