Արման Կիրակոսյանը կարևորեց ԵԱՀԿ դերը մարդու իրավունքների և հիմնարար ազատությունների ապահովման գործում
Մայիսի 18-ին Հայաստանիարտգործնախարարի տեղակալԱրման Կիրակոսյանն ընդունեց ԵԱՀԿ մամուլի ազատության հարցերով ներկայացուցիչ տիկին Դունյա Միյատովիչին:
Ողջունելով հյուրին` Արման Կիրակոսյանը կարևորեց ԵԱՀԿ դերը մարդու իրավունքների և հիմնարար ազատությունների ապահովման գործում:
ԵԱՀԿմամուլիազատության հարցերով նորանշանակ ներկայացուցիչն անդրադարձավ Հայաստանի կողմից մամուլի ազատության ապահովմանն ուղղված քայլերին` դրական գնահատելով օրենսդրական բարեփոխումները:
Զրուցակիցները հանգամանորեն քննարկեցին Հայաստանի և ԵԱՀԿ` մասնավորապես Մամուլի ազատության հարցերով ներկայացուցչի գրասենյակի հետ հետագա համագործակցության խնդիրները, նշեցին այս հարցում տարածաշրջանային համագործակցության ապահովման անհրաժեշտությունը:
