  ՀՀ կառավարական պատվիրակությունը մասնակցում է ԵվրԱզԷՍ-ի միջպետական խորհուրդների նիստերին 21 մայիսի 2010 - 18:55 AMT PanARMENIAN.Net - ՀՀ կառավարական պատվիրակությունը մասնակցում է ԵվրԱզԷՍ-ի միջպետական և ԱՊՀ-ի կառավարությունների ղեկավարների խորհուրդների նիստերին Վարչապետ Տիգրան Սարգսյանի գլխավորած կառավարական պատվիրակությունն այսօր աշխատանքային այցով ժամանել է Սանկտ Պետերբուրգ` մասնակցելու Եվրասիական տնտեսական ընկերակցության (ԵվրԱզԷՍ) միջպետական խորհրդի 26-րդ նիստին` կառավարությունների ղեկավարների մակարդակով, և Անկախ պետությունների համագործակցության (ԱՊՀ) կառավարությունների ղեկավարների խորհրդի նիստին։ Կառավարական պատվիրակության կազմում են ՀՀ կառավարության աշխատակազմի ղեկավար Դավիթ Սարգսյանը, ֆինանսների նախարար Տիգրան Դավթյանը, արտաքին գործերի նախարարի տեղակալ Շավարշ Քոչարյանը, էկոնոմիկայի նախարարի տեղակալ Մուշեղ Թումասյանը, պաշտոնատար այլ անձինք։ Սանկտ Պետերբուրգի Կոնստանտինովսկի պալատում ԵվրԱզԷՍ-ի անդամ և դիտորդ երկրների կառավարությունների ղեկավարների նեղ կազմով հանդիպումից ու կառույցում հետագա գործակցության առաջնային ուղղությունների քննարկումից հետո հանդիպումը կշարունակվի «1+2+4ե ձևաչափով, որին կմիանան պատվիրակության անդամները։ Կառույցի անդամ են Ռուսաստանը, Բելառուսը, Ղազախստանը, Ղրղըզստանը, Տաջիկստանը, Ուզբեկստանը, դիտորդներ` Հայաստանը, Մոլդովան, Ուկրաինան։ Ռուսաստանի Դաշնության վարչապետ Վլադիմիր Պուտինի անունից կտրվի աշխատանքային ճաշ, դրան կհաջորդի ԱՊՀ երկրների կառավարությունների ղեկավարների խորհրդի նիստը, որի օրակարգում ընդգրկված են ավելի քան քսան փաստաթղթերի նախագծեր` միտված կառույցի անդամ-երկրների միջև համագործակցության ակտիվացմանն ու խորացմանը` տնտեսական և հումանիտար ոլորտներում, անվտանգության ապահովման բնագավառներում։ Քննարկվելիք հարցերի շարքում առաջնային տեղ է գրավում ԱՊՀ տարածքում տնտեսական համագործակցության բլոկը։ Գործադիր մարմինների ղեկավարները կքննարկեն ԱՊՀ մասնակից-պետությունների էներգետիկայի ոլորտում համագործակցության հայեցակարգի իրագործման առաջնային միջոցառումների մասին որոշումը։ Նախատեսվում է, որ վարչապետները կհաստատեն ընդհանուր էլեկտրաէներգետիկ շուկայի ձևավորման փուլերի վերաբերյալ արձանագրությունը։ ԱՊՀ երկրների կառավարությունների ղեկավարները հավանություն կտան Մոսկվայի գեոդեզիայի և քարտեզագրության պետական ինստիտուտին կադաստրի, երկրաբանության, քարտեզագրության մասնագետների պատրաստման բազային կազմակերպության կարգավիճակ շնորհելու հարցին։ Ուշադրության կենտրոնում կլինի նաև ԱՊՀ երկրների վետերանների կազմակերպությունների առջև ծառացած սոցիալական խնդիրների լուծման ծրագիրը։ Այսօրվա նիստի օրակարգում է նաև անկախ պետությունների համագործակցության կառույցի գյուղատնտեսական արդյունաբերական համակարգի գործունեության վերաբերյալ որոշման կայացումը։ ԱՊՀ մասնակից-պետությունների վարչապետները քննարկելու են կառույցի 20-ամյակին նվիրված միջոցառումների ծրագիրը նույնպես։ Կառավարությունների ղեկավարները կնախանշեն խորհրդի հաջորդ նիստի անցկացման ժամկետն ու վայրը։ Հաղորդում է ՀՀ կառավարության մամլո ծառայությունը:
  Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք  Կիրանցեցիները փակել են Հայաստան–Վրաստան միջպետական ճանապարհըՄիրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիանԻդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |
