Մայիսի 22-ին Երևանում տեղի ունեցավ Հայաստանի հանրային խորհրդի երիտասարդական ենթահանձնաժողովի նիստը, որի ժամանակ քննարկվեցին հայ ուսանողներին և ընդհանուր առմամբ հայ երիտասարդությանը վերաբերող հարցեր:
Մասնավորապես առաջ էին քաշվում բուհն ավարտելուց հետո երիտասարդների զբաղվածության, ուսանողների պաշտպանվածության, երիտասարդ ընտանիքների սոցիալ-տնտեսական հարցերը: Բարձրացվել է նաև երիտասարդության ռազմահայրենասիրական դաստիարակության հարցը:
Քննարկման ժամանակ առաջարկվել է այդ խնդիրների լուծման համար ստեղծել հատուկ աշխատանքային խումբ: «Մենք բուհն ավարտած մեր երիտասարդներին պետք է մեր ազգային հարստությունը համարենք»,- ընդգծել է Հ. Մարգարյանը: